Nashik BJP Politics: निवडणूक आणि भारतीय जनता पक्ष हे एक समीकरण होऊ पाहत आहे. भाजप प्रत्येक निवडणुकीकडे गांभीर्याने पाहतो. अशाच पद्धतीने आगामी महापालिका निवडणुकांना महत्त्व दिले जात आहे. याचधर्तीवर मुख्यमंत्री देवेंद्र फडणवीस (Devendra Fadnavis) यांनी भाजपच्या कार्यकर्त्यांसाठी मोठं विधान केलं आहे.
नागपूरच्या हिवाळी अधिवेशना दरम्यान भाजप (BJP) पदाधिकाऱ्यांसाठी निवडणूक कार्यशाळा झाली. यावेळी राज्यातील मोजक्या पदाधिकाऱ्यांना खास टिप्स देण्यात आल्या. कोणत्याही स्थितीत आगामी निवडणुका जिंकायच्याच असा निर्देश या पदाधिकाऱ्यांना दिला.
नाशिकचे शहराध्यक्ष प्रशांत जाधव यांनी आगामी महापालिका निवडणुकीत भाजप अतिशय प्रभावी कामगिरी करेल. महापालिकेत स्वबळावर सत्तेत येईल. आमच्याकडे कार्यकर्ते पदाधिकारी आणि सर्वसाधारण मुबलक आहेत, असा दावा केला आहे.
शहराध्यक्ष जाधव म्हणाले, मुख्यमंत्री फडणवीस पक्षाच्या संघटनात्मक आणि निवडणुकीच्या कामासाठी प्राधान्य देणारे आहेत. आगामी काळात भाजपच्या नेत्यांना मंत्र्यांना थेट भेटता यावे यासाठी खास निर्णय घेण्यात आला आहे. भाजपच्या पदाधिकाऱ्यांना पक्षाच्या प्रदेश कार्यालयातून पास देण्यात येईल.
या निर्णयामुळे भाजप पदाधिकारी राज्याच्या मंत्र्यांशी थेट भेटतील. त्यांचे काम मार्गी लागेल आणि ते त्याच दिवशी पुन्हा आपल्या गावी परत जाऊ शकतील. मुख्यमंत्री फडणवीस यांनी असे विविध निर्णय पक्षाच्या पदाधिकाऱ्यांसाठी घेतले आहेत.
फडणवीस यांनी कोणीही फोटो काढण्यासाठी माझ्याकडे येऊ नये. मात्र कामे घेऊन जरूर यावे. लोकांचे प्रश्न आणि त्याबाबतचे निवेदने घेऊन मला भेटावे. ते प्रश्न आपण प्राधान्याने मार्गी लावू ,असा निर्णय मुख्यमंत्र्यांनी सांगितला.
आगामी नाशिक महापालिकेच्या निवडणुकीची तयारी आम्ही सुरू केली आहे. विधानसभा निवडणुकीचा निकाल भाजपच्या बाजूने लागला त्यामुळे अन्नपक्षातील आणि पराभूत नेते भाजपमध्ये प्रवेश करण्याची शक्यता आहे. मात्र सरसकट आणि शंभर टक्के कोणालाही प्रवेश दिला जाणार नाही.
हे सर्व नेते विरोधात असतानाही आम्ही निवडणुका जिंकू शकतो, हे आम्ही दाखवून दिले आहे. जिथे गरज पडेल तिथेच फक्त नव्या लोकांना पक्ष संधी देईल, असे त्यांनी सांगितले. महायुती असली तरीही अन्य पक्षांची खरोखर गरज आहे का? हे पाहिले जाईल. त्यानंतर युती करायची की नाही हा निर्णय होईल. याबाबतचे सर्व स्वातंत्र्य पक्षाच्या नेत्यांनी स्थानिक पातळीवरील पदाधिकाऱ्यांना दिले आहे, असे भाजपचे शहराध्यक्ष जाधव म्हणाले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.