Manoj Jarange Patil: आता कसली भूमिका? जरांगे पाटील यांना सरकारने सर्व काही दिले!

Girish Mahajan News: कुणबी असलेल्या मराठा समाजातील घटकांना ओबीसी आरक्षण देण्याचा निर्णय राज्य शासनाने घेतला आहे. त्यावर सरकारमधील मंत्री वेगवेगळ्या भूमिका व्यक्त करीत आहेत. या पार्श्वभूमीवर मनोज जरांगे पाटील यांनी दसऱ्यानंतर भूमिका मांडणार आहेत.

मनोज जरांगे पाटील यांनी दसऱ्यानंतर मराठा आरक्षणाबाबत भूमिका मांडणार असे म्हटले आहे. मनोज जरांगे पाटील यांच्या या भूमिकेबाबत जलसंपदा मंत्री गिरीश महाजन यांनी मतप्रदर्शन केले. गिरीश महाजन यांच्या सूचक वक्तव्यामुळे मराठा आरक्षण पुन्हा चर्चेत येण्याची शक्यता आहे.

जलसंपदा मंत्री गिरीश महाजन यांनी मुख्यमंत्री देवेंद्र फडणवीस यांनी ओबीसी अथवा कोणाच्याही आरक्षणाला धक्का न लावता मराठा समाजाला आरक्षण दिले आहे. त्यामुळे मनोज जरांगे पाटील यांना जे हवे होते ते सर्व काही सरकारने दिले, असे विधान केले.

मनोज जरांगे पाटील यांची मुख्य मागणी मराठा समाजाला आरक्षण ही होती. त्यासाठी त्यांनी मुंबईत आझाद मैदानावर अन्यत्याग आंदोलन केले होते. मराठा आरक्षण उप समितीचे अध्यक्ष राधाकृष्ण विखे पाटील यांनी त्यांना पाच मागण्या मान्य केल्याचे पत्र दिले.

मनोज जरंगे पाटील यांचे मागणी मान्य झाल्याने काही ओबीसी नेत्यांनी त्या विरोधात आंदोलन सुरू केले आहे. मंत्रिमंडळातील काही मंत्री देखील या प्रश्नावर भिन्न मतप्रदर्शन करीत आहेत. त्यामुळे यावरून सध्या एक नवा वाद सुरू आहे. त्यात हैदराबाद गॅझेट मुख्य विषय आहे.

सध्या हा विषय उच्च न्यायालयात प्रलंबित आहे. त्यामुळे न्यायालयाचा निकाल काय लागतो, याची आपण सगळ्यांनी वाट पाहिली पाहिजे. मराठा आरक्षण न्यायप्रविष्ठ असताना त्यावर घाई घाईने मनोज जरांगे पाटील यांनी प्रतिक्रिया व्यक्त करणे योग्य नाही, असेही महाजन म्हणाले.

महसूल मंत्री चंद्रशेखर बावनकुळे आणि छगन भुजबळ यांनी ओबीसी उपस समिती बाबत भूमिका घेतली. काही ओबीसी नेते देखील जरांगे पाटील यांच्यावर टीका करीत आहेत. या पार्श्वभूमीवर जरांगे पाटील दसऱ्यानंतर काय भूमिका मांडतात याची उत्सुकता आहे.