Heena Gavit: भाजपमध्ये घरवापसी केल्यानंतर माजी खासदाराचा 'एकला चलो'चा नारा; शिंदेसेनेच्या विरोधात आक्रमक भूमिका

सागर निकवाडे

Nandhurbar bjp Politics: माजी खासदार हिना गावित यांचा भाजपा प्रवेशानंतर अक्कलकुवा तालुक्यात झालेल्या कार्यक्रमात शिंदे सेना आणि काँग्रेसवर हिना गावित यांची बोचरी टीका लोकसभा निवडणुकीचा पराभवानंतर माजी खासदार हिना गावित यांनी विधानसभा निवडणुकीत बंडखोरी करीत अपक्ष उमेदवारी केली होती.

यात त्यांचा पराभव झाला. त्यानंतर त्यांनी काही दिवसापूर्वी पुन्हा भाजपात प्रवेश केला आहे. लोकसभा निवडणुकीच्या वेळेस शिंदे सेनेने भाजपा विरोधात काम केल्याचा आरोप त्यांनी केला आहे.

आगामी स्थानिक स्वराज्य संस्थांच्या निवडणुकीत नंदुरबार जिल्ह्यात भाजपा कोणत्याही पक्षाशी युती करणार नसून स्वबळावर निवडणूक लढणार असल्याचेही हिना गावित यांनी सांगितले. अक्कलकुवा तालुक्यातील कुकरखांड येथे आयोजित हिना गावित यांच्या सत्कार समारंभाच्या वेळेस त्या बोलत होते.

यावेळी गावातील शिंदे सेना आणि काँग्रेसच्या कार्यकर्त्यांनी भाजपात प्रवेश केल्याचे त्यांनी जाहीर केले. एकूणच हिना गावित यांनी भाजपात प्रवेश केल्यानंतर आक्रमक अशी शिंदेसेना आणि काँग्रेस विरोधात भूमिका घेतल्याने स्थानिक स्वराज्य संस्थेच्या निवडणुकीत मोठी चुरस पाहण्यास मिळणार आहे. काँग्रेस आणि शिंदे सेना आता हिना गावित यांच्या आरोपांना कशा पद्धतीने उत्तर देते, त्यावरून जिल्ह्यात पुन्हा राजकीय कलगीतुरा रंगण्याची शक्यता निर्माण झाली आहे.

नंदुरबार लोकसभा मतदारसंघाच्या माजी खासदार डॉ. हिना गावित यांनी काही दिवसापूर्वी पुन्हा भारतीय जनता पक्षात प्रवेश केला आहे. विधानसभा निवडणुकीत बंडखोरी केल्यानंतर जिल्हा परिषद आणि स्थानिक स्वराज्य निवडणुकीच्या तोंडावरच झालेल्या या घरवापसी मुळे नंदुरबार जिल्ह्यात भाजपची ताकद वाढली आहे.

डॉ. गावित यांच्यासोबत नंदुरबार जिल्ह्यातील विविध पक्षांमधील शेकडो कार्यकर्त्यांनीही भाजपमध्ये प्रवेश केला आहे.भाजप नेते आणि माजी आदिवासी विकास मंत्री तथा नंदुरबारचे विद्यमान आमदार डॉ.विजयकुमार गावित यांच्या त्या कन्या आहेत.