जळगावचे वादग्रस्त पोलीस निरीक्षक संदीप पाटील अखेर निलंबित झाले.
नाशिक परिक्षेत्र IG दत्तात्रय कराळे यांनी निलंबनाचे आदेश दिले.
आमदार मंगेश चव्हाण यांनी महिला शोषणाचा गंभीर आरोप केला होता.
जिल्हा नियोजन समिती बैठकीत ऑडिओ क्लिप सादर केल्याने वाद वाढला.
संदीप पाटील यांच्यावर गुन्हा दाखल करण्याचे आदेश देण्यात आले.
Jalgaon News : 'मी एसपी, आयजी, डीजीलाही घाबरत नाही, पालकमंत्रीच माझ्या खिशात असतो. तुला ज्याच्याकडे तक्रार करायचीय कर. कोणत्या आमदाराकडे जायचं जा, त्यालाही गोळ्या घालतो, अशी धमकी देणाऱ्या पोलिस निरीक्षकावर अखेर निलंबनाची कारवाई करण्यात आली आहे. जळगाव स्थानिक गुन्हे शाखेचे तत्कालीन वादग्रस्त पोलीस निरीक्षक संदीप पाटील असे PI चे नाव आहे. तर ही कारवाई नाशिक परिक्षेत्राचे विशेष पोलीस महानिरीक्षक दत्तात्रय कराळे यांनी केली आहे. पाटील यांच्यावर महिलेवर लैंगिक अत्याचाराचा आरोप झाला आहे. पाटील यांच्याविरोधात भाजपचे आमदार मंगेश चव्हाण यांनी 29 ऑगस्ट रोजी जिल्हा नियोजन समितीच्या बैठकीत तक्रार केली होती.
जळगाव स्थानिक गुन्हे शाखेचे तत्कालीन वादग्रस्त पोलीस निरीक्षक संदीप पाटील यांच्यावर आमदार चव्हाण यांनी गंभीर आरोप केले. पाटील यांनी, एका महिलेवर लग्नाचे आमिष दाखवून अत्याचार केल्याचा दावा त्यांनी केली. तसेच एक ऑडिओ क्लिपही त्यांनी ऐकवली. ज्यानंतर नाशिक परिक्षेत्राचे विशेष पोलीस महानिरीक्षक दत्तात्रय कराळे यांनी पोलीस निरीक्षक संदीप पाटील यांच्यावर निलंबनाची कारवाई केली. तसेच त्यांच्यावर गुन्हा दाखल करण्याचेही आदेश दिले.
दरम्यान ज्या महिलेवर हा प्रसंग उद्धभवला तिनेच माघार घेत नंतर तक्रार देईन असे सांगत पाय मागे घेतला होता. त्यामुळे संदीप पाटील यांच्यावर गुन्हा दाखल झाला नव्हता. मात्र या प्रकरणाचे गांभिर्य ओळखत जिल्हा पोलीस अधीक्षक डॉ. महेश्वर रेड्डी यांनी सविस्तर अहवाल आपल्या वरिष्ठांना पाठवला होता.
त्या अहवालाच्या गंभीर दखल घेत विशेष पोलीस महानिरीक्षक दत्तात्रय कराळे यांनी संदीप पाटील यांच्यावर निलंबनाची कारवाई केली आहे. या प्रकरणात आता अपर पोलीस अधीक्षक अशोक नखाते यांच्या मार्फत खातेअंतर्गत प्राथमिक चौकशी केली जाणार आहे.
नेमकं संपूर्ण प्रकरण काय?
जळगाव स्थानिक गुन्हे शाखेचे पोलीस निरीक्षक संदीप पाटील यांनी 2023 साली एका महिलेला मदत केली होती. त्याच मदतीच्या कारणावरून त्यांनी त्या पीडित महिलेशी मैत्री केली. तिला लग्नाचे अमिष दाखवले. तिच्याशी जवळीक साधली. तसेच तिला वेगवेगळ्या ठिकाणी नेवून तिच्यावर लैंगिक अत्याचार केल्याचा आरोप गेल्या महिन्यात झालेल्या जिल्हा नियोजन समितीच्या बैठकीत आमदार चव्हाण यांनी केला.
याचवेळी पीडित महिलेने संदीप पाटील यांना वरिष्ठांकडे तक्रार करू असे बजावताच, संदीप पाटील यांनी त्या पीडित महिलेला धमकी दिली. संदीप पाटील यांनी, एसपी, आयजी, डीजी यांना मी घाबरत नाही. पालकमंत्रीच माझ्या खिशात आहेत. आणि तुला ज्या आमदाराकडे तक्रार करायचीय कर मी त्यालाही गोळ्या घालीन. त्याला ठार मारुन टाकेल, अशी धमकी दिली.
आता या धमकीचे कॉल रेकॉर्डीग समोर आले असून ते आमदार चव्हाण यांनी जिल्हा नियोजन समितीच्या बैठकीत ऐकवले. ज्यामुळे जिल्ह्यात एकच खळबळ उडाली. त्यानंतर संबंधीत महिलेनंच या प्रकरणात काढता पाय घेतला. ज्यामुळे संदीप पाटील यांच्याविरोधात गुन्हा दाखल झाला नाही. यानंतर आमदार चव्हाण यांनी पोलीस अधीक्षक डॉक्टर महेश्वर रेड्डी यांची भेट घेवून कारवाईची मागणी केली होती. तसेच हा पोलिस अधिकारी लोकप्रतिनिधींना गोळ्या घालण्याची भाषा करत असेल तर सर्वसामान्यांचे काय?, असा सवाल ही त्यांनी उपस्थित केला होता.
ज्यानंतर पोलीस अधीक्षक रेड्डी यांनी पीआय संदीप पाटील यांचे वर्तन नैतिकतेला सोडून असल्याचा अहवाल विशेष पोलीस महानिरीक्षक कराळे यांना सादर केला होता. या अहवालानंतर आता संदीप पाटील यांना निलंबीत करण्यात आले आहे. तसेच त्यांची खातेअंतर्गत चौकशीचे करण्याचे आदेशही विशेष पोलीस महानिरीक्षकांनी दिले आहेत.
प्र.१: संदीप पाटील यांना का निलंबित केले?
उ: महिला शोषणाच्या गंभीर आरोपांमुळे आणि आमदार मंगेश चव्हाणांनी सादर केलेल्या पुराव्यांनंतर त्यांना निलंबित करण्यात आले.
प्र.२: निलंबनाचे आदेश कोणी दिले?
उ: नाशिक परिक्षेत्र विशेष पोलीस महानिरीक्षक दत्तात्रय कराळे यांनी आदेश दिले.
प्र.३: प्रकरणात कोणते पुरावे सादर करण्यात आले?
उ: आमदार मंगेश चव्हाण यांनी ऑडिओ क्लिप सादर केली होती.
प्र.४: ही कारवाई कुठे जाहीर झाली?
उ: जिल्हा नियोजन समितीच्या बैठकीत हे आरोप मांडले गेले होते.
प्र.५: पुढील कारवाई काय होणार आहे?
उ: संदीप पाटील यांच्यावर गुन्हा दाखल करून तपास सुरू होणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.