Jalgaon Lok Sabha News: गुलाबरावांनी गिरीश महाजनांना करुन दिली I LOVE U अन् I HATE U ची आठवण

Jalgaon Lok Sabha Constituency 2024: विधानसभेच्या निवडणुकीत सर्व एकमेकांच्या विरोधात असतात मात्र लोकसभेच्या निवडणुकीत दुश्मन के दुश्मन दोस्त हो जाते है , असे सांगत गुलाबरावांनी मागील निवडणुकीचा इतिहासाची आठवण करुन दिली.

Jalgaon Lok Sabha Constituency 2024Sarkarnama

Jalgaon News: पाणीपुरवठा मंत्री गुलाबराव पाटील (Gulabrao Patil) हे नेहमीच बिनधास्त बोलण्यासाठी प्रसिद्ध आहेत. त्याचा प्रत्यय अमळनेरच्या सभेत आला. महायुतीच्या उमेदवार स्मिता वाघ (Smita Wagh) यांच्या प्रचार सभेत गुलाबरावांनी 'आय लव यू'अन् 'आय हेट यू' मधील फरक सांगत सभेत हास्यांचे तुषार उडवले.

महायुतीच्या मेळाव्यात मंत्री गुलाबराव पाटील यांनी सूचक वक्तव्य करत मंत्री गिरीश महाजन (Girish Mahajan) यांना 2019 च्या विधानसभेत भाजपकडून झालेल्या बंडखोरीची आठवण करुन दिली. विधानसभेत एकमेकांचे विरोधक असलेले लोकसभा निवडणुकीत एकत्र येतात, याचे उदाहरण देत गुलाबरावांनी गिरीश महाजन आणि स्मिता वाघ यांना इशाऱ्यांची भाषा बोलून दिली.

Anil Patil: पवारांच्या विधानानं माझी झोपच उडाली! "बरं झालं अजितदादांनी निर्णय घेतला, आमच्या हातून ते पाप घडलं नाही...

स्मिता वाघ मुळच्या अमळनेरच्या आहेत, त्या विधानपरिषदेच्या आमदार होत्या. आता त्या खासदारकीची निवडणूक लढवत आहेत. तो धागा पकडून गुलाबरावांना खान्देशातील आजी-माजी आमदारांच्या भूमिकेबाबत टोलेबाजी केली. अमळनेर विधानसभेच्या आमदार अनिल पाटील हे सध्या कॅबिनेट मंत्री आहे, यांची जाणीव करुन देत गुलाबरावांनी सभेत तुफान फटकेबाजी केली.

गिरीश महाजन यांच्याकडे पाहत गुलाबराव म्हणाले, 'अमळनेरचे आमदार अनिल पाटील हे कॅबिनेटमंत्री आहेत, आता माजी आमदार स्मिता वाघ या खासदार होणार आहेत. तुम्ही आम्हाला टाळलं. आम्ही लोकसभेत मदत करतोय. तुम्ही विधानसभेत मदत करा, नाही केली तर लक्षात ठेवा, असा इशारा गुलाबरावांनी गिरीश महाजन यांच्यासमोर स्मिता वाघ यांना दिला.

विधानसभेच्या निवडणुकीत सर्व एकमेकांच्या विरोधात असतात मात्र लोकसभेच्या निवडणुकीत दुश्मन के दुश्मन दोस्त हो जाते है , असे सांगत गुलाबरावांनी मागील निवडणुकीचा इतिहासाची आठवण करुन दिली.