Girish Mahajan : मंत्री गिरीश महाजन यांच्या डोक्याला दुखापत, उपचार घेत शहीद जवानाच्या अंत्ययात्रेत सहभागी

Girish Mahajan News : डोक्याला लोखंडी रॉड लागल्याने जलसंपदा गिरीश महाजन यांना दुखापत झाली आहे. वरणगाव येथील शहीद जवान जवान अर्जुन लक्ष्मण बाविस्कर यांच्या पार्थिवाचे अंत्यदर्शन घेत असताना ते मिल्ट्रीच्या ट्रॅकमध्ये चढले असताना ट्रॅकचा वरचा लोखंडी रॉड त्यांच्या डोक्याला लागले. त्यानंतर त्यांच्या डोक्यातून रक्तस्त्राव होत होता. त्या परिस्थितीमध्ये देखील त्यांनी वीर जवान अर्जुन बाविस्कर यांच्या पार्थिव देहाला पुष्पचक्र अर्पण करत अभिवादन केले

महाजन यांना दुखापतीनंतर वरणगाव येथील रुग्णालया नेण्यात आले. त्यानंतर ते पुन्हा वीर जवान अर्जुन बाविस्कर यांच्या अंत्ययात्रेत सहभागी झाले होते. दरम्यान, मंत्री महोदयांच्या डोक्याला इजा झाल्याने त्यांच्या कार्यकर्त्यांची धावपळ उडाली होती. मात्र महत्त्वाची बैठक असल्याने महाजन हे पुढे नाशिककडे रवाना झाले.

बाविस्कर यांच्या परिवाला भेट देत महाजन यांनी त्यांचे सांत्वन केले. तसेच, मी व राज्य सरकार बाविस्कर परिवाराच्या दुःखात सहभागी आहे, असे अभिवचन महाजन यांनी दिले.दरम्यान, डोक्याला दुखापत झालेली असतानाही महाजन अंत्ययात्रेत तिरंगा सर्कल पर्यंत ते चालत गेले, तिथे हजारो वरणगावकरांच्या उपस्थित मानवंदना दिली.

नेत्यांनी नेले रुग्णालयात

गिरीश महाजन यांना डोक्याला लागल्यानंतर रक्तस्त्राव थाबंत नव्हते तेव्हा भाजपचे शहाराध्यश्र सुनील माळी, माजी नगराध्यक्ष सुनील काळे, कामगार नेते मिलिंद मेढेआदींनी आग्रह करुन प्राथमिक उपचारासाठी महाजन यांा जवळच्या रुग्णालयात नेले. तेथे डॉ. निलेश पाटील यांनी त्यांच्यावर उपचार केले. त्यानंतर ते पुन्हा अंत्ययात्रेत सहभागी झाले.