Land Scam News: नाशिक पोलीस आयुक्तालयाच्या ताब्यात असलेल्या जमिनीचा परस्पर विक्री व्यवहार झाला. यामध्ये बांधकाम व्यावसायिक आणि नाशिक डायोसेशन ट्रस्ट कौन्सिलचे विश्वस्त यांनी बनावट कागदपत्रांच्या आधारे घोटाळा केला. याबाबत पोलिसांत गुन्हा दाखल होताच बांधकाम व्यवसायिकांमध्ये खळबळ उडाली आहे.
यासंदर्भात सरकारवाडा पोलीस ठाण्यात मंगळवारी रात्री उशिरा १४ प्रतिष्ठित बांधकाम व्यवसायिक आणि नाशिक डायव्हर्सेशन ट्रस्टच्या संचालकांविरोधात गुन्हा दाखल करण्यात आला आहे. ख्रिस्ती समाजाची आणि गरिबांचे कल्याण व धार्मिक कार्यासाठी असलेल्या जमिनीची बांधकाम व्यवसायिकांनी खरेदी केली होती. या जमिनीवर व्यावसायिक बांधकामे करण्यात आली.
नाशिक पोलीस आयुक्तालयाची इमारत असलेल्या जागेचीही बांधकाम व्यवसायिकांनी परस्पर खरेदी केली. या जमिनीचे मूल्य बाजारभावाप्रमाणे ३०० कोटी रुपये आहे. मात्र ही जमीन केवळ सुमारे दोन कोटी रुपयांना विक्री केल्याचे दाखविण्यात आले. त्यात शासनाच्या महसुलाचेही नुकसान करण्यात आल्याचे कारस्थान उघड झाले आहे.
याप्रकरणी शहरातील प्रतिष्ठित बांधकाम व्यवसायिकांच्या विरोधात गुन्हा दाखल झाला. त्यामुळे या बांधकाम व्यवसायिकांवर अटकेची तलवार कायम आहे. त्यामुळे या व्यवसायिकांमध्ये भीतीचे वातावरण आहे. येथील अनेकांनी पळवाटा शोधण्याचा प्रयत्न केला आहे.
संदर्भात पंकेश शहा आणि त्यांच्या कुटुंबातील तिघांना अतिरिक्त सत्र न्यायाधीश एस. बी. भन्साळी यांनी अटकपूर्व जामीन मंजूर केला आहे. संबंधीत वयोवृद्ध असल्याने जामीन द्यावा असा दावा वकिलांनी केला होता. संबंधितांना अटक करावयाची असल्यास पोलिसांनी बहात्तर तास आधी नोटीस नोटीस द्यावी, असे आदेशात म्हटले आहे.
संबंधित व्यवहार २००१ मध्ये झालेला आहे. त्याला हरियाली एग्रीकल्चरल प्रायव्हेट लिमिटेड आणि ठक्कर डेव्हलपर्स यांनी मान्यता दिलेली आहे. तसेच याबाबत मुंबईच्या धर्मदाय आयुक्तांनी देखील खरेदीला मान्यता दिली आहे. हा व्यवहार कायदेशीर असल्याचा दावा आरोपींच्या वकिलांनी केला होता. त्यानुसार हा जामीन मंजूर करण्यात आला आहे.
सरकारवाडा पोलीस ठाण्यात नाशिक डायोसेशन कौन्सिलचे अविनाश बलकुंदी आणि संस्थेचे १४ विश्वस्त तसेच जमीन खरेदी करणारे पंकज प्रभाकर मालपुरे आणि १९ बांधकाम व्यवसायिकांच्या विरोधात गुन्हा दाखल झालेला आहे. सर्वांवर अटकेची टांगती तलवार आहे. शहरातील प्रतिष्ठित बांधकाम व्यवसायिकांविरुद्ध फसवणूक करून जमीन खरेदीचा गुन्हा दाखल झाल्याने एकच खळबळ उडाली आहे.
------
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.