Jalgaon Congress News: पहलगाम दहशतवादी हल्ल्याच्या उत्तरादाखल भारतीय सैन्याने पाकिस्तानला धडा शिकवला. या संदर्भात भारतीय जनता पक्ष तिरंगा यात्रा काढत आहे. काँग्रेसने भाजपला उत्तर देण्याचे ठरविले आहे. जळगावमध्ये काँग्रेस पक्ष तिरंगा यात्रा काढणार आहे.
भारतीय लष्कराने ऑपरेशन सिंदूर राबवून पाकिस्तानला धडा शिकवला. दहशतवादी कारवायांना प्रतिबंध करण्यासाठी लष्कराने केलेल्या कारवाईचे जगभर स्वागत होत आहे. या संदर्भात भारतीय जनता पक्षाने विविध ठिकाणी तिरंगा यात्रा काढल्या. राजकीय वातावरण निर्मितीचा हा भाग होता. आता त्याला काँग्रेस पक्षाकडून उत्तर दिले जाणार आहे.
जळगावचे जिल्हाध्यक्ष प्रदीप पवार यांच्या उपस्थितीत यावल येथे काँग्रेस पक्षाची आढावा बैठक झाली. बैठकीत आगामी स्थानिक स्वराज्य संस्थांच्या निवडणुकीसाठी पक्षाने तयारी करावी. संदर्भात सत्ताधारी महायुतीच्या पक्षांना उत्तर देण्यासाठी विविध राजकीय उपक्रम राबविण्याच्या सूचना करण्यात आल्या.
आगामी निवडणुकीत काँग्रेस पक्ष गेल्या पाच वर्षात भाजपने सत्तेचा कसा दुरुपयोग केला हे जनतेपुढे मांडणार आहे. राज्याचा कारभार हप्तांना अनेक योजना बंद पडले आहेत. नागरिक नैसर्गिक आणि अन्य आपत्तीग्रस्त आहेत. मात्र राज्य सरकारने शेतकरी आणि जनतेला वाऱ्यावर सोडले आहे.
आगामी निवडणुकीत काँग्रेस पक्ष उमेदवारी देताना अभ्यासपूर्वक आणि स्थानिक जनतेचे प्रतिनिधित्व करणाऱ्या कार्यकर्त्यांना संधी देणार आहे. पक्ष निष्ठावंत कार्यकर्त्यांना उमेदवारी देताना प्राधान्य देईल. त्यामुळे कार्यकर्त्यांनी निवडणुकीच्या तयारीला लागावे, माजी आमदार शिरीष चौधरी यांनी यावेळी सांगितलं.
पहिला येथे निर्दोष पर्यटकांवर दहशतवाद्यांनी हल्ला केला. त्याला भारतीय लष्कराने चोख उत्तर देऊन पाकिस्तानला धडा शिकविला आहे. भारतीय लष्कराला देशभरातील जनतेचा नैतिक पाठिंबा आहे. व्यक्त करण्यासाठी आणि नागरिकांमध्ये वातावरण निर्मिती करण्यासाठी काँग्रेस पक्ष तिरंगा यात्रा काढणार आहे. दिवंगत पंतप्रधान राजीव गांधी यांच्या स्मृतिप्रित्यर्थ येत्या २१ मेस ही यात्रा काढण्यात येईल.
जिल्हाध्यक्ष प्रदीप पवार यांसह प्रदेश उपाध्यक्ष योगेंद्रसिंग पाटील, माजी आमदार रमेश चौधरी, जमील शेख, ज्ञानेश्वर कोळी, आदिवासी आघाडीचे जिल्हाध्यक्ष संजू जमादार. प्रभाकर सोनवणे यांनी यावेळी विविध सूचना केल्या.
-------
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.