Narendra Modi Nashik Road Show : पंतप्रधान मोदींच्या 'रोड शो'ला उसळली लोकांची गर्दी; शिंदे-फडणवीस-पवार हजर...

Nashik News : नाशिक शहरातील निलगिरीबाग येथून सुरू झालेल्या रोड शोला रस्त्याच्या दुतर्फा प्रचंड गर्दी उसळली होती. श्रीरामाचे चिन्ह असलेले भगवे ध्वज आणि तिरंगा झेंडा घेतलेल्या नागरिकांनी मोदी यांच्याविषयी घोषणा दिल्याने खुद्द पंतप्रधान मोदीदेखील या दौऱ्याच्या नियोजनावर बेहद्द खूश दिसल्याचे चित्र होते. (Latest Marathi News)

पंतप्रधान नरेंद्र मोदी यांचा आजचा दौरा सकाळी सुरू झाला ते निलगिरीबाग ते तपोवन रोड या 1.7 मीटरच्या अंतरात रस्त्याच्या दुतर्फा प्रचंड गर्दी झाली होती. निलगिरीबाग येथे स्वागताला जमलेल्या उपस्थितांनी लेझीमच्या तालावर ठेका धरला. यावेळी पालकमंत्री दादा भुसे यांनीदेखील नाचणाऱ्यांसोबत ठेका धरला होता. बराच वेळ ते नाचत होते, त्यामुळे उपस्थित लोकांनी टाळ्या वाजवून त्यांना प्रोत्साहन दिले.

यावेळी पंतप्रधान यांच्या वाहनावर मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार होते. सर्वांनी रोड-शोदरम्यान उपस्थितांना हात उंचावून प्रतिसाद दिला. "आजचा दिवस फक्त नाशिक शहर नव्हे, तर महाराष्ट्रासाठी अतिशय वेगळा आहे. थेट पंतप्रधान नरेंद्र मोदी युवकांना मार्गदर्शन करण्यासाठी नाशिकला आले आहेत. त्यामुळे प्रत्येक नाशिककर त्यांचे स्वागत करण्यात उत्सुक आहे. त्यात मीदेखील सहभागी झालो मला आज खूप आनंद वाटतो आहे," अशी प्रतिक्रिया पालकमंत्री भुसे यांनी यावेळी व्यक्त केली.

प्रधानमंत्री नरेंद्र मोदी यांचे निलगिरीबाग येथे आगमन -

27 व्या राष्ट्रीय युवा महोत्सवाच्या उद्घाटन कार्यक्रमासाठी पंतप्रधान नरेंद्र मोदी यांचे निलगिरीबाग येथील हेलिपॅडवर आगमन झाले असून मुख्यमंत्री एकनाथ शिंदे यांनी प्रधानमंत्री नरेंद्र मोदी यांचे पुष्पगुच्छ देऊन स्वागत केले. यावेळी राज्याचे उपमुख्यमंत्री देवेंद्र फडणवीस, उपमुख्यमंत्री अजित पवार यांनीदेखील पुष्पगुच्छ देऊन पंतप्रधानमहोदयांचे स्वागत केले. यावेळी माजी मंत्री चंद्रशेखर बावनकुळे, जिल्हाधिकारी जलज शर्मा, पोलिस आयुक्त (नाशिक शहर) संदीप कर्णिक उपस्थित होते. यानंतर प्रधानमंत्री नरेंद्र मोदी हे रोड शो आणि 27 व्या राष्ट्रीय युवा महोत्सवाच्या उद्घाटनासाठी तपोवन मैदानाकडे रवाना झाले आहेत.

(Edited By - Chetan Zadpe)

R...