Sanjay Raut politics: ईडी कारवाई... वर्षापूर्वी संजय राऊत म्हणत होते, तेच आता एकनाथ शिंदे यांचे मंत्री का म्हणत आहेत?

Sanjay Raut Vs Dada Bhuse News: वसई महापालिकेचे निवृत्त आयुक्त रमेश पवार यांच्या विरोधात ईडीने कारवाई केली आहे. त्यांच्याकडे सुमारे ४० कोटींची संपत्ती सापडल्याचा दावा ईडीच्या वकिलांनी केला आहे. यावरून आता महायुतीच्या कटक पक्षांतच एक नवा वाद सुरू झाल्याची चर्चा आहे.

आयुक्त रमेश पवार यांच्या विरोधात ईडीने कारवाई केली. ईडीच्या विशेष न्यायालयात रमेश पवार यांना रिमांड मिळावा म्हणून ईडीने विविध आरोप केले आहेत. त्यामुळे या प्रकरणावरून महाराष्ट्राच्या राजकारणात एक नवा वाद सुरू झाला आहे. या प्रकरणाचा संबंध उपमुख्यमंत्री एकनाथ शिंदे यांच्या पक्षाच्या मंत्र्यांची जोडला जात आहे.

यासंदर्भात शिवसेना उद्धव ठाकरे पक्षाचे नेते संजय राऊत यांनी मंत्री दादा भुसे यांच्यावर उल्लेख न करता टीका केली आहे. आयुक्त पवार यांच्या वकिलाने न्यायालयात आपल्या आशीलावरील कारवाई राजकीय हेतूने करण्यात आल्याचा दावा केला आहे. महायुती आणि शिवसेना एकनाथ शिंदे पक्षातील राजकीय वादातून ही कारवाई झाल्याचा दावा वकिलांनी न्यायालयात केला.

यासंदर्भात संजय राऊत यांनी महायुती आणि विशेषतः उपमुख्यमंत्री एकनाथ शिंदे यांना चांगलेच फैलावर घेतले आहे. यासंदर्भात त्यांनी न्यायालयात बोलण्याऐवजी पंतप्रधान नरेंद्र मोदी यांच्याशी बोलावे, असा सल्ला राऊत यांनी दिला. पंतप्रधान मोदी यांनी ईडीच्या वादग्रस्त कारवाईबाबत तोंड भरून कौतुक करीत ईडी जे काही करते ते योग्यच करते असे म्हटले होते, याची आठवण करून दिली.

एक वर्ष पूर्वी खासदार संजय राऊत यांच्या विरोधात ईडीने पत्राचा प्रकरणी कारवाई केली होती. त्यात पिढीला कोणताही पुरावा सादर करता आला नाही. त्यावेळी उपमुख्यमंत्री एकनाथ शिंदे तसेच त्यांच्या पक्षाच्या मंत्र्यांनी खासदार राऊत यांच्यावर अशीच टीका केली होती, याची आठवण राऊत यांनी करून दिली आहे.

विशेष म्हणजे राजकारणाने एक फेरा पूर्ण केल्याचे या निमित्ताने पुढे आले आहे. ईडीच्या कारवाईत खासदार राऊत आणि त्यांच्या प्रतिनिधींनी विविध आक्षेप नोंदविले होते. अगदी तीच भाषा आणि आक्षेप आता बडतर्फ आयुक्त रमेश पवार यांच्या वकिलांनी न्यायालयात केले आहेत. त्यामुळे तो राजकीय चर्चेचा विषय बनला आहे. त्यावर खासदार राऊत त्यांनी नाशिक येथे आपली प्रतिक्रिया व्यक्त केली.

-------