Nandurbar Politics : शहादा पालिका निवडणुकीत आता तिसरी आघाडी दिसणार आहे. शहादा कृषी उत्पन्न बाजार समितीचे सभापती अभिजित पाटील यांनी तिसऱ्या आघाडीची घोषणा केली आहे. कोणत्याही राजकीय पक्षाच्या भरवशावर न राहाता 'जनता विकास आघाडीतर्फे निवडणूक लढवणार असल्याचे त्यांनी पत्रकारपरिषद घेत स्पष्ट केले.
पाटील म्हणाले, शहादेकर जनता व परिसरातील हितचिंतकांच्या पाठिंब्यावर सर्व २९ जागांवर नगरसेवकपद व एक नगराध्यक्षपद, असे ३० उमेदवार निवडून आणण्यासाठी जनता विकास आघाडीच्या माध्यमातून निवडणुकीच्या रिंगणात उतरणार आहोत. आमचा कुठल्याही राजकीय पक्षाशी किंवा विचारधारेशी वाद नाही. शहादा शहराच्या विकासाचा एकमेव अजेंडा जनतेसमोर ठेवून निवडणूक लढणार आहोत, असे शहादा कृषी उत्पन्न बाजार समितीचे सभापती अभिजित पाटील यांनी पत्रकार परिषदेत जाहीर केले.
येथील अनुभवी राजकारणी व कृषी उत्पन्न बाजार समितीचे सभापती अभिजित पाटील यांनी अद्याप कोणत्याही राजकीय पक्षात प्रवेश केलेला नव्हता. त्यामुळे त्यांची भूमिका महत्वाची ठरणार होती. ते नेमक्या कोणत्या पक्षाकडून निवडणूक लढवतात की अपक्ष लढतात, याविषयी नागरिकांमध्ये उत्सुकता होती. काल त्यांनी त्यांच्या गंगोत्री निवासस्थानी पत्रकार परिषद घेऊन आगामी निवडणूक जनता विकास आघाडीमार्फत लढविली जाईल, असे स्पष्ट केले. त्यामुळे भाजप, शिवसेना, कॉंग्रेसला आता जनता विकास आघाडीचे आव्हान असणार आहे.
अभिजित पाटील म्हणाले, की गेल्या 9 वर्षांमध्ये कोणी काय काम केले आहे. याचा अभ्यास करून विचारपूर्वक जर निर्णय घेतला तर निश्चितपणे जनता विकास आघाडीचा विचार सर्वांच्या मनात सर्वप्रथम राहील. शहादेकर जनता, परिसरातील नागरिक आमच्या सोबत राहतील, या विश्वासासह आम्ही प्रचाराला लागलो आहोत. (Nandurbar Politics)
शहरात असंख्य प्रश्न असून त्या प्रश्नांची सोडवणूक करण्यासाठी जनता विकास आघाडीच्या माध्यमातून काय करायचे आहे, ते आम्ही लवकरच जाहीरनाम्याच्या माध्यमातून सांगणार आहोत. लवकरच सर्व उमेदवारांची घोषणाही केली जाईल अशी माहिती त्यांनी दिली. शहरातील सर्व कार्यकर्ते, हितचिंतक, नागरिक यांना विश्वासात घेतल्यानंतरच नगराध्यक्षपदाचा उमेदवार जाहीर केला जाणार आहे. स्थानिक स्वराज्य संस्थेची निवडणूक कशी लढवली पाहिजे, याबाबत सर्व राजकीय पक्षांच्या नेत्यांशी, कार्यकर्त्यांशी चर्चा झाली आहे असेही त्यांनी सांगितले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.