Sharad Pawar Nashik Rally: आगामी स्थानिक स्वराज्य संस्थांच्या निवडणुकांच्या अनुषंगाने सर्वच पक्षीय कामाला लागले आहेत. आता राष्ट्रवादी कॉंग्रेस शरदचंद्र पवार पक्षानेही निवडणुकांचे रणशिंग फुंकण्याची तयारी केली आहे. त्यासाठी शरद पवारांनी नाशिक जिल्ह्याची निवड केली आहे.
लोकसभा निवडणुकीत नाशिक जिल्ह्याने राष्ट्रवादी कॉंग्रेस शरदचंद्र पवार पक्षाला साथ दिली. मात्र त्यानंतर झालेल्या विधानसभा निवडणुकांमध्ये नाशिक जिल्ह्याने उपमुख्यमंत्री अजित पवार यांच्या राष्ट्रवादी पक्षाला साथ दिली. शरद पवारांनी आता त्याच नाशिकच्या मैदानातून आगामी निवडणुकीचे रणशिंग फुकण्याची तयारी केली आहे.
नाशिक शहरात 14 सप्टेंबर रोजी शरद पवार यांच्या उपस्थितीत पक्षाचे राज्यस्तरीय कार्यकर्ता शिबिर आयोजित करण्यात आलं आहे. शिबिराचे ठिकाण अद्याप निश्चित झालेले नाही. नाशिकचे पदाधिकारी आज मुंबई येथे गेले असून स्थळ निश्चिक केलं जाणार आहे. तर, 15 सप्टेंबरला शेतकऱ्यांच्या प्रश्नांवर स्वत: पवारांच्या नेतृत्वाखाली भव्य मोर्चा काढण्यात येणार आहे. या दोन दिवसीय कार्यक्रमाचे नियोजन शहर व जिल्हा राष्ट्रवादीकडून करण्यात येत आहे.
शशिकांत शिंदे यांनी प्रदेशाध्यक्षपदाची सुत्रे हाती घेतल्यानंतर 6 ऑगस्ट रोजी नाशिक मध्ये बैठक घेतली होती. याच बैठकीत त्यांनी कांदा उत्पादकांसह शेतक-यांच्या प्रश्नासाठी नेते शरद पवार यांच्या उपस्थितीत महामोर्चा काढला जाईल अशी घोषणा केली होती.
तसेच पक्षाचे एक दिवसीय शिबिर घेऊन कार्यकर्त्यांना मार्गदर्शन केले जाईल अशी माहिती दिली होती. त्यानुसार 20 आॅगस्ट रोजी मुंबईतील प्रदेश कार्यालयात झालेल्या नियोजन बैठकीनुसार 14 व 15 सप्टेंबर रोजी शरद पवार यांचा नाशिक जिल्हा दौरा ठरला आहे.
त्यात 14 सप्टेंबरला पक्षाचे शिबिर होईल. यात प्रामुख्याने स्थानिक स्वराज्य संस्थांच्या निवडणुकीची रणनिती आखण्यात येणार आहे. स्वत: शरद पवार हे कार्यकर्त्यांना मार्गदर्शन करतील. तरी शेतकरी कर्जमाफी, अतिवृष्टी मदत, दुधाला भाव आदी शेतकऱ्यांच्या विविध मागण्यांसाठी 15 सप्टेंबरला पवार यांच्या नेतृत्वाखाली महामोर्चा काढण्यात येणार आहे.
शनिवारी (ता.30) पक्षाच्या कार्यालयात शहर व जिल्हा राष्ट्रवादीची बैठक झाली. बैठकीत मोर्चासाठी तालुकानिहाय नियोजन करण्याबाबत यावेळी चर्चा झाली. त्यामुळे मोर्चा व शिबिर यशस्वी करण्याची जबाबदारी कार्यकर्ते व पदाधिकाऱ्यांवर असल्याने सर्वांनी कामाला लागावे असे आवाहन प्रदेश उपाध्यक्ष गोकुळ पिंगळे यांनी यावेळी केले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.