Maratha reservation : नाशिकमध्ये राष्ट्रवादी कॉंग्रेस शरदचंद्र पवार पक्षाच्या कार्यकर्ता प्रशिक्षण शिबिरात कार्यकर्त्यांना मार्गदर्शन करताना खासदार सुप्रिया सुळे यांनी सरकारला विविध मुद्यांवरुन धारेवर धरत सवाल केले. मराठा आंदोलक मनोज जरांगे-पाटील यांच्या आंदोलनानंतर 'हैदराबाद गॅझेट' लागू करण्याचा निर्णय राज्य शासनाने घेतला त्यासंदर्भातही सुप्रिया सुळेंनी काही सवाल केले.
सुप्रिया सुळे म्हणाल्या, 'हैदराबाद गॅझेट' लागू करण्याचा निर्णय शासनाने घेतला. पण, त्याने कुणाला किती आरक्षण मिळाले, कुणाला प्रमाणपत्र मिळणार, हे मला कुणीतरी समजून सांगावे, असा सवाल खासदार सुप्रिया सुळे यांनी यावेळी उपस्थित केला. समाजात कटुता वाढत चालली असून ती थांबली पाहीजे. यासाठी मुख्यमंत्र्यांना विनंती केली आहे, की सर्वपक्षीय बैठक बोलवा किंवा पाच दिवसांचे अधिवेशन बोलवा. यावर चर्चा करा अशी मागणी केल्याचे सुप्रिया सुळेंनी यावेळी सांगितले.
राज्यात सध्या पातळी सोडून टीका टिप्पणी सुरू आहे. मात्र कोणी कितीही पातळी सोडली तर आपण पातळी सोडू नका. कार्यकर्त्यांनी कुणाच्या वैयक्तिक किंवा कुटुंबार टीका करू नका, ही आपली संस्कृती नाही. असं म्हणत सुप्रिया सुळे यांनी राष्ट्रवादीच्या प्रवक्त्यांना व कार्यकर्त्यांना सूचना केल्या. कार्यकर्त्यामागे पक्ष ताकदीने उभा राहील. गलिच्छ राजकारणाचा निषेध आहे. राज्यात कुणीही चुकीची कामे करीत असेल तर त्याविरोधात ताकदीने उतरावे लागेल. आता बस्स झाले. सर्व युवकांनी विरोधक म्हणून प्रश्न मांडले पाहिजेत.
राष्ट्रवादी काँग्रेसमध्ये टॅलेंटची कमतरता नाही. कुणीही पक्ष सोडून गेलं तरी त्यामुळे काहीही फरक पडणार नाही. आपला पक्ष दमदाटीने चालत नाही, असे सांगत सुळे यांनी अप्रत्यक्ष अजित पवार यांना टोला लगावला. पक्ष सोडून गेले असले, तरी नवीन नेतृत्व तयार होणार आहे. पक्षाने ताकदीने उभे राहिले पाहिजे, असे आवाहन त्यांनी केले. ज्यांनी पक्ष सोडला त्यांची चौकशी अजूनही सुरूच आहे. त्यामुळे तुम्ही रुसवे-फुगवे दूर करा आणि लढण्याची तयारी ठेवा असं आवाहन त्यांनी केलं.
आपल्या विजयाचे श्रेय देताना मी मतदारांच्या जीवावर निवडून आल्याचे त्या म्हणाल्या. कुठलाही नेता आमच्यासोबत नसतानाही आम्ही निवडून आलो. कारण मतदार आणि कार्यकर्ता आमच्यासोबत होता, म्हणूनच हे शक्य झाल्याचे सुप्रिया सुळे म्हणाल्या.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.