सुप्रिया सुळे म्हणाल्या, करायला गेले एक झाले भलतेच!

नाशिक रोड : करायला एक गेले झाले भलतेच. त्याचा परिणाम शिर्डीचा भोंगा पहिले खाली आला, अशी प्रतिक्रिया भोंगा प्रकरणावर खासदार सुप्रिया सुळे (Supriya Sule)यांनी व्यक्त केली. महाराष्ट्र नवनिर्माण सेनेच्या (MNS) भोंग्यांविरोधातील आंदोलनाबाबत (Raj Thakre Agitation) त्यांनी ही प्रतिक्रीया व्यक्त केली. (Supriya Sule said, MNS Think diffrent & happen something else)

येथील अशोका मार्ग येथे वेस्टर्न इंडिया रिजनल काऊन्सिल इन्स्टिट्यूट ऑफ चार्टर्ड अकाउंटंट इंडिया संस्थेतर्फे कार्यक्रमाचे आयोजन करण्यात आले होते.

या वेळी व्यासपीठावर माजी आमदार हेमंत टकले, कोषाध्यक्ष पियुष चांडक, नाशिक शाखा अध्यक्ष सोहील शाह, नाशिक शाखा सचिव संजीवन तांबुळवाडीकर, नाशिक शाखा उपाध्यक्ष राकेश परदेशी, नाशिक शाखा कोषाध्यक्ष जितेंद्र फाफट, ज्येष्ठ सभासद शिवदास डागा उपस्थित होते.

या वेळी खासदार सुप्रिया सुळे यांनी सांगितले, की आज महागाईचा प्रश्न गांभीर्याने घ्यायला हवा. महागाई वाढत जाणार आहे, असे अनेक वेळा प्रधानमंत्री मोदी यांना सांगितले. देश आधी असतो नंतर राजकारण. सर्वांना राजकीय मतभेद वेगळे ठेवून देशाचा विचार करावा लागणार आहे. कोविडमध्ये इंजेक्शन व औषधे घेताना औषध निर्मात्याची आपण कधीच जात पहिली नाही.

या वेळी विविध क्षेत्रातील उद्योजक व सीए यांनी सुप्रिया सुळे यांच्याशी संवाद साधत सरकारी अनुदान असणाऱ्या उद्योगांना सबसिडी संदर्भात विविध अटी शिथिल केले पाहिजे, अशी विनंती केली. या वेळी सुळे यांनी सभागृहात यासंबंधी नक्कीच प्रश्न मांडू, असे आश्‍वासन दिले.

----