Girish Mahajan On Uddhav Thackeray : आमचा पक्ष 'समुद्र'; ठाकरेंच्या आत्मविश्वासाला फाजिल म्हणत, महाजनांनी उडवली खिल्ली!

BJP vs Shiv Sena Maharashtra : शिवसेना वर्धापनदिनी पक्षप्रमुख उद्धव ठाकरेंनी भाजप महायुतीच्या धोरणांवर सडकून टीका केली. भाजपला आडवं करण्याची केलेली ठाकरेंची भाषा, भाजप नेत्यांच्या चांगलीच जिव्हारी लागली.

यानंतर भाजपसह महायुतीकडून चौहू बाजूने टीका सुरू केली आहे. जळगावमधील भाजप मंत्री गिरीश महाजन यांनी देखील ठाकरेंच्या टीकेची खिल्ली उडवत जोरदार प्रत्युत्तर दिलं आहे.

उद्धव ठाकरेंनी भाजपला (BJP) आडवं करणार, अशी भाषा केली होती. मंत्री महाजन यांनी यावर ठाकरेंना जोरदार प्रत्युत्तर दिलं. ते म्हणाले, "प्रयत्न करा म्हणा तुम्ही भाजपला आडवं करण्याचा. जनता आमच्या सोबत आहे. विधानसभेत ऐतिहासिक विजय, हा आम्हाला महायुतीला मिळालेला आहे. असं असतानाही फाजिल आत्मविश्वास, जर त्यांना असेल, तर त्यांना आमच्या शुभेच्छा आहे".

'उद्धव ठाकरे (Uddhav Thackeray) यांच्याबद्दल काय बोलावं, आता मला ते कळत नाही, दिल्लीतले मालक... नोकर... की अन्य काही! आमचा पक्ष समुद्र आहे. जगातला सर्वात मोठा जास्त सदस्य असलेला आमचा पक्ष आहे. आपण कुठे आहात, आपले आमदार किती आहेत, हे एकदा आपण बघा', असा सल्ला देखील महाजनांनी ठाकरेंना दिला.

आमचे राष्ट्रीय अध्यक्ष असतील, आमचे नेते असतील, हे दिल्लीमध्ये असतात. तुमचे काय आहे? त्यामुळे काहीही तोंडांत येईल ते बोलाव. तुम्ही सुद्धा तिकडे जात होता एकेकाळी. त्यांना काहीही म्हणू द्या आता निवडणुका समोर आहेत, आपलं कर्तृत्व दाखवा. मग बोला, असं आव्हान मंत्री महाजन यांनी ठाकरेंना दिलं.

बडगुजरांवरून आता 'दाऊद-दाऊद'

सुधाकर बडगुजर यांच्या भाजप प्रवेशावर देखील ठाकरेंनी निशाणा साधला होता. त्याला देखील मंत्री महाजन यांनी प्रत्युत्तर दिले. सुधाकर बडगुजर तुमच्याकडे होता तर गोड वाटायचा. आता आमच्याकडे आला तर दाऊद-दाऊद दिसतो आहे, तुम्हाला, असे म्हणत मंत्री महाजनांनी ठाकरेंना डिवचलं.

शिवसेना ठाकरे पक्षाला आणखी धक्के...

'बडगुजरांना मांडीवर घेऊन बसायचे, याची आठवण करून देताना, आता सर्वात जास्त नालायक बडगुजरच आहे, हे सांगण्याचा प्रयत्न करत आहे, असं घणाघात करत पुढच्या एक आठ-पंधरा दिवसांमध्ये राज्यामध्ये बघा तुम्ही अजून, त्यांचं कुठे कुठे सुप वाजत आहे', असा इशारा देखील महाजनांनी दिला.