Akola News, 13 Apr : प्रत्येक राजकीय व्यक्तीची ते सध्या ज्या पदावर आहोत त्याहून मोठं पद मिळावं हीच इच्छा असते. अनेकदा मंत्रि‍पदासाठी किंवा हवं ते खातं मिळावं यासाठी अनेक राजकीय नेत्यांचे रुसवे फुगवे देखील आपण पाहत असतो. शिवाय नेत्यांनी तशी इच्छा बाळगण्यातही काही गैर नाही.
अशातच आता अजित पवारांच्या (Ajit Pawar) राष्ट्रवादीचे आमदार अमोल मिटकरींची थेट गृहमंत्रिपदी नियुक्ती झाली आहे. पण ती एका सिनेमामध्ये. हो कारण अमोल मिटकरी लवकरच एका मराठी चित्रपटात गृहमंत्र्यांच्या भूमिकेतून आपल्या समोर येणार आहेत.
त्यामुळे सध्या आमदार असलेले मिटकरी (Amol Mitkari) राज्याचे खरेखुरे गृहमंत्री बनले नसले तरी ते चित्रपटाच्या माध्यमातून तरी गृहमंत्री बनले आहेत. अमोल मिटकरी यांनी 'बिल्लोरी' नावाच्या मराठी चित्रपटात गृहमंत्र्यांच्या भूमिका साकारली आहे.
सदगुरु इंटरप्राइजेस निर्मित हा चित्रपट असून त्याचे दिग्दर्शक सुनिल शिरसाठ हे आहेत. अमोल मिटकरी हे अजितदादांच्या राष्ट्रवादीचे 'फायरब्रँड' नेते म्हणून ओळखले जातात. ते आपल्या वक्तव्यांमुळे सतत चर्चेत असतात. त्यामुळे या चित्रपटाच्या माध्यमातून ते पुन्हा एकदा चर्चेत आले आहेत.
तर सध्या चित्रपटात गृहमंत्री असो तरी आपणाला 'रियल लाईफ'मध्येही गृहमंत्री व्हायला आवडेल, असं म्हटलं आहे. शिवाय माझ्यासारख्या एका सर्वसामान्य गरीब शेतकऱ्याच्या मुलाला अजितदादांनी आमदार केलं हेच माझ्यासाठी त्यांचे कधीही न फिटणारे उपकार असल्याचंही आमदार मिटकरी यांनी म्हटलं आहे. ते अकोला येथील 'बिल्लोरी' या चित्रपटाच्या पोस्टर लॉन्चिंगच्या कार्यक्रमात बोलत होते.
२५ वर्षे पूर्ण करणारा ई-सकाळ आता का्ॅमस्कोअरमध्ये नंबर १. डिजिटल माध्यमांच्या क्षेत्रातली नवी झेप
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.