Mahavikas Aghadi : 'वज्रमूठ सभे'त तेजस ठाकरे उपस्थित राहणार?

Tejas Thackeray News : छत्रपती संभाजीनगरमध्ये महाविकास आघाडीची (Maha Vikas Aghadi) 'वज्रमूठ सभा' सभा पार पडली. यांनतर आता नागपूर शहरातही (Nagpur City) महाविकास आघाडीला वज्रमूठ सभा होणार आहे. नागपूरमध्ये दर्शन कॉलनी येथल्या सद्भावनानगरच्या मैदानावर ही सभा आयोजित केली आहे. या सभेसाठी शिवसेना ठाकरे गटाचे प्रमुख उद्धव ठाकरे, विरोधी पक्षनेते अजित पवार तसेच काँग्रेस आणि एकूणच महाविकास आघाडीचे मुख्य नेते उपस्थित राहणार आहेत. यामुळे या सभेकडे राज्याचे लागले आहे.

मात्र या सभेतली मुख्य गोष्ट म्हणजे उद्धव ठाकरे यांचे पुत्र तेजस ठाकरे (Tajas Thackeray) यांची मंचावर उपस्थित असण्याची शक्यता आहे. याबाबत विधानपरिषेदेतील विरोधीपक्ष नेते व शिवसेना ठाकरे गटाचे नेते अंबादास दानवे यांनी याबाबत भाष्य केले आहे.

महाविकास आघाडीची ही आजची 'वज्रमूठ सभा' नागपूर शहरात होत आहे. छत्रपती संभाजीनगरमध्ये पहिली वज्रमूठ सभा पार पडली. यानंतर ही दुसरी सभा होणार आहे. नागपूरच्या या सभेला विरोध होत होता, यामुळे ही सभा अधिक चर्चेत आली.

दरम्यान, आता या सभेला परवानगी देण्यात आलेली आहे. काही तासातच या सभेला सुरूवात होणार आहे. सभेपूर्वीच आता अंबादास दानवे तेजस ठाकरे यांच्यासंदर्भात सभेच्या उपस्थितीबाबत शक्यता वर्तवली आहे. दानवे म्हणाले की, “आजच्या सभेला तेजस ठाकरे येण्याची शक्यता आहे. तेजस ठाकरे आजच्या तरूणांसाठी प्रेरणा आहेत, त्यामुळे तरूणांची या सभेला मोठ्या उपस्थिती इच्छा आहे,” असे दानवे म्हणाले.