![Anil Bonde, Sanjay raut](http://media.assettype.com/sarkarnama%2F2023-09%2Fac3f9b2a-782c-4d17-a952-ec1f92c6be3e%2FAdd_a_heading.jpg?rect=0%2C0%2C1200%2C675&w=480&auto=format%2Ccompress&fit=max)
Mumbai Political News: ''इंडिया को हराना मुश्कील ही नहीं नामुमकीन है' असा विश्वास ठाकरे गटाचे खासदार संजय राऊत यांनी व्यक्त केला आहे. राज्यसभेचे खासदार अनिल बोंडे यांनी राऊतांना चोख उत्तर दिले आहे. दोन्ही नेत्यांमध्ये शाब्दीक युद्ध सुरु झाले आहे.
"इंडिया आघाडीचा फक्त नरेंद्र मोदी हेच पराभव करु शकणार, देशात संपूर्ण जनता मोदींच्या पाठिशी आहे. संजय राऊत विसरले असतील की मोदी है तो मुमकीन है," असा टोला बोडेंनी राऊतांना लगावला.
मोदींना हरविण्यासाठी विरोधक एकवटले आहेत. काल इंडिया आघाडीच्या बैठकीपूर्वी संजय राऊतांनी माध्यमांशी संवाद साधला. भाजपा आणि एनडीएला इंडियाची भीती वाटते आहे. आम्हाला मिळणारा लोकांचा पाठिंबा वाढतो आहे, त्यामुळे भाजपाच्या पोटात गोळा आला आहे, असे राऊत म्हणाले.
"आमच्या इंडियाच्या बैठका वाढल्या की देशातली महागाई कमी होणार आहे. कारण हे सरकार इंडियाला घाबरलं आहे," असं संजय राऊत यांनी काल म्हटलं आहे. "चंद्रावरील भारत जाऊ शकतो, मोदी है तो मुमकीन है," हे राऊत विसरले आहेत का ? असा सवाल अनिल बोडे यांनी उपस्थित केला आहे.
संजय राऊत यांनी काय म्हटलं आहे?
२०२४ मध्ये इंडिया को हराना मुश्कीलही नहीं नामुमकीन है, असा डायलॉग काल राऊतांनी मारला होता. "आम्ही सगळे पक्ष एकमेकांसह अशा नात्यात बांधलो गेलो आहोत जे नातं देशभक्तीचं आहे. आमच्यात कुठलेही मतभेद आणि मनभेद नाहीत. पूर्ण तयारीनिशी आम्ही बैठक घेत आहोत," असेही राऊतांनी स्पष्ट केलं. इंडिया आघाडीच्या बैठकीवर भाजपा आणि एनडीएमध्ये भीतीचं वातावरण असल्याचे राऊतांनी म्हटलं आहे.
Edited By : Mangesh Mahale
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.