Nitin Gadkari : 'माझ्याविरोधात पेड न्यूज कोण देते आणि कशासाठी देते मला ठाऊक आहे' : अनेक आरोपांनंतर गडकरी बोलले

Nitin Gadkari News : गेल्या काही दिवसांपासून केंद्रीय मंत्री नितीन गडकरी यांच्यावर गंभीर आरोप केले जात आहेत. त्यावर भाजपकडून अद्याप कोणतीही प्रतिक्रिया देण्यात आलेली नाही. गडकरी यांनीसुद्धा यावर बोलण्याचे टाळले होते. मात्र आज (ता.29) एका कार्यक्रमातील भाषणातून त्यांनी झालेल्या आरोपांना जोरदार प्रत्युत्तर दिले.

"मी भ** करत नाही. कोण, कोणासाठी काम करत आहे आणि कोण पेड न्यूज देत आहेत, हे सर्व मला ठावूक आहे. मी असल्या आरोपांना घाबरत नाही आणि विचलित होत नाही, तुम्हीसुद्धा होऊ नका असा सल्लाही गडकरी यांनी दिला. नागपूर जिल्ह्यातील कामठी शहरातील एका उद्घाटन समारंभात ते बोलत होते.

गडकरी म्हणाले, शेतकरी इंधनदाता, ऊर्जादाता झाला पाहिजे, यासाठी मी प्रयत्न करीत आहे. शेतमालापासून इथॅनॉल तयार करण्याचे काम केले जात आहे. माझी इनोव्हा गाडी याच इथेनॉलवर धावते. आज आपल्या देशात मोठ्या प्रमाणात इथेनॉलची निर्मिती होत आहे. याचा मोठ्या प्रमाणात शेतकऱ्यांना फायदा होत आहे. प्रदूषणातही घट झाली आहे. परदेशातून पेट्रोल आणि डिझेल आयातीत घट झाली आहे. आयातीवर यापूर्वी 22 लाख कोटी रुपये आपल्या देशातून परदेशात जात होते. त्यामुळे काही हजारो लोकांचा धंदा मारला गेला.

आता हेच धंद्यातील दलाल अस्वस्थ झाले असून त्यांनी माझ्या विरोधात पेड न्यूज सुरू केल्या आहेत. मात्र तुम्ही चिंता करू नका. माझ्यावर कितीही आरोप केले तरी मी विचलित होणाऱ्यांमधील नाही. तुम्हीसुद्धा काळजी करू नका. कोण कोणाच्या सांगण्यावरून आरोप करत आहे हे जनतेला ठावूक आहे. सर्वांना सत्य काय ते कळते. आपली रेषा मोठी करण्यासाठी काही लोक असे आरोप करतच असतात. त्यावर कोणी विश्वास ठेवत नाही. कुठल्याही राजकीय नेत्यांच्या आयुष्यात हे प्रसंग येत असतात. माझे सर्वात मोठे भांडवल हे जनतेचे प्रेम आणि आशीर्वाद आहे.

मी 45 वर्षांपसून राजकारणात आहे. राज्यात असताना सार्वजनिक बांधकाम मंत्री होतो. केंद्रात अकरा वर्षांपासून रस्ते व वाहतूक मंत्री आहे. कोट्यवधीचे रस्ते बांधले. विकास कामे केली केली आहेत. देशभर रस्त्यांचे आणि पुलांचे जाळे विणले आहे. मात्र कधी भ*** केलेली नाही. एक पैसाही कंत्राटदारांकडून घेतलेला नाही. म्हणूनच कंत्राटदार मला घाबरतात. ज्या झाडाला सर्वाधिक फळे लागलात त्याच झाडाला सर्वाधिक दगड मारली जातात असे सांगून गडकरी यांनी विरोधकांसह नाव घेऊन टीका करणाऱ्यांना सुनावले आहे.

FAQs :

प्र.१: नितीन गडकरींवर कोणते आरोप झाले होते?
उ: त्यांच्यावर गंभीर स्वरूपाचे राजकीय आरोप करण्यात आले होते.

प्र.२: भाजपकडून यावर काय प्रतिक्रिया आली?
उ: अद्याप भाजपकडून अधिकृत प्रतिक्रिया दिलेली नाही.

प्र.३: गडकरींनी आधी काय भूमिका घेतली होती?
उ: त्यांनी मौन बाळगलं होतं आणि भाष्य करणं टाळलं होतं.

प्र.४: अखेर गडकरींनी काय केलं?
उ: एका कार्यक्रमातील भाषणातून आरोपांना जोरदार प्रत्युत्तर दिलं.

प्र.५: हे भाषण का चर्चेत आलं?
उ: कारण गडकरींनी स्पष्ट शब्दांत आरोपांना उत्तर दिलं आणि त्यावरून मोठी चर्चा रंगली.