संदिप पंडित
Municipal Corporation Election : राज्यात महानगरपालिकेच्या निवडणुकीचे पडघम वाजू लागले आहेत. यातच गेल्या पाच वर्षा पासून लोकप्रतिनिधी विना असलेल्या वसई-विरार महापालिकेचीही निवडणूक अखेर होणार आहे. या निवडणुकीसाठी नव्याने प्रभाग रचना करण्यात येणार आहे. वसई-विरार पालिकेच्या इतिहासात प्रथमच लोकप्रतिनिधीविना ५ वर्षे प्रशासकाने पालिका चालवली आहे.
२०२२ ला या महापालिकेची प्रभाग रचना करण्यात आली होती. त्यात 126 सदस्य असणार होते. आणि ३ सदस्यांचा एक प्रभाग असे ४२ प्रभाग तयार करण्यात आले होते. परंतु कोरोनासंकट आणि ओबीसी आरक्षणामुळे निवडणुका झाल्याच नाहीत. त्यामुळे या प्रभाग रचनेची अंमलबजावणी झालीच नाही. त्यामुळे या प्रभागरचनेसाठी केलेला खर्च वाया गेला असून नव्याने प्रभागरचनेत २९ प्रभाग होणार असून चार सदस्यांचे २८ आणि ३ सदस्यांचा एक असे २९ प्रभाग असणार आहेत. या नव्या प्रभागरचनेमुळे भाजप आणि बविआमध्ये थेट सामाना होणार होणार आहे.
क वर्ग वसई-विरार महापालिकेची निवडणूक २०१५ मध्ये एक सदस्यीय प्रभागाद्वारे झाली होती. त्यावेळी पालिकेत ११५ नगरसेवक होते. २८ जून २०२० ला या पालिकेतील लोकप्रतिनिधींची मुदत संपली होती. त्यानंतर कोरोनासंकट, ओबीसी आरक्षण यामुळे निवडणूक झालीच नाही. त्यामुळे तब्बल पाच वर्ष वसई-विरारकरांना लोकप्रतिनिधीत्वविना राहावे लागले.
2011 ला वसई-विरारची लोकसंख्या 12 लाख 34 हजार 690 इतकी होती. १४ वर्षा नंतर या लोकसंख्येत दुप्पटीने वाढ झाली आहे. मात्र प्रभाग रचना जुन्याच लोकसंख्येनुसार करण्यात येणार आहे. यावेळी सदस्य संख्या ही 2015 मध्ये असलेली 115 इतकीच राहणारआहे. परंतु प्रभाग संख्या मात्र 29 असणार आहे. यात 4 सदस्यांचे 28 प्रभाग असणार आहेत तर एक प्रभाग हा 3 सदस्यांचा असणार आहे.
वसई-विरार महापालिकेत बहुजन विकास आघाडीचे (बविआ) वर्चस्व होते. 2015 च्या निवडणुकीत भाजपला अवघ्या तीन जागा मिळाल्या होत्या. निवडणुकीत महापालिकेच्या स्थापनेपासून सत्तेवर असलेल्या बहुजन विकास आघाडीला मात्र निवडणुकीत मेहनत करावी लागणार आहे. 2015 ला महापालिकेत बहुजन विकास आघाडीने 115 पैकी 108 जागा जिंकून निर्विवाद वर्चस्व मिळविले होते. परंतु यावेळी मात्र त्यांना महायुतीचा सामना करावा लागणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.