Amit Shah In Mumbai : अमित शहांना तब्बल एक तास उशीर; मात्र मुंबईत दाखल होताच घडवले माणुसकीचे दर्शन !

Amit Shah Mumbai Tour : केंद्रीय गृहमंत्री अमित शहा (Amit Shah) यांचा मुंबई दौरा आज आणि उद्या नियोजित आहे. सह्याद्री अथितीगृहावर अमित शाह यांचा राज्यातील भाजप नेत्यासोबत बैठक पार पडणार आहे. तसेच, महाराष्ट्र भूषण वितरण सोहळ्याला देखील अमित शाह उपस्थित राहणार आहेत, असे असले तरी आगामी मुंबई महानगरपालिकेची निवडणूकीच्या दृष्टीकोनातून शाह यांच्या दौऱ्यावर पाहिले जाते. मात्र मुंबईत आल्यानंतर त्यांनी माणुसकीचे दर्शन घडवले.

अमित शाह यांचं विमान आजच सायंकाळी 6 वाजून 50 मिनिटांनी मुंबई विमानतळावर उतरणार होतं. मात्र अमित शाह यांना तब्बल एक तास विलंब झाला. शाह थेट रात्री आठ वाजण्याच्या दरम्यान मुंबईत दाखल झाले. शाह यांच्या स्वागतासाठी मुख्यमंत्री एकनाथ शिंदे, उपमुख्यमंत्री देवेंद्र फडणवीस सोबतच भाजपचे महत्त्वपूर्ण नेते मुंबई विमानळाकडे रवाना झाले होते. या सगळ्या घडामोडी दरम्यान अमित शाह यांनी माणुसकीचे दर्शन घडवणारी कृती केली.

अमित शाह यांनी तावडे कुटुंबाची सात्वनपर भेट घेतली :

अमित शाह यांच्या दौऱ्याला एक तास विलंब झाला असला तरी, त्यांनी सर्वप्रथम भाजप नेते विनोद तावडे यांच्या निवासस्थानी दाखल झाले. विनोद तावडे सद्यस्थितीत भाजप कार्यकारणीत सक्रियपणे कार्यरत आहेत. मागील दोन दिवसांपूर्वी विनोद तावडे यांच्यावर दु:खाचा आघात झाला होता. तावडे यांच्या मातोश्रींचं निधन झालं होतं.

त्यामुळे अमित शाह मुंबईत दाखल होताच, विनोद तावडे यांच्या निवासस्थानी गेले. त्यांनी तावडे कुटुंबियांची सांत्वन केले. यानंतर अमित शाह सह्याद्री अतिथीगृहाच्या दिशेने रवाना झाले.