Vasai Virar Election Results : सुसाट सुटलेल्या भाजपला पराभवाचा धक्का, ठाकूरांनी विजयी गुलाल उधाळला; वसई-विरार महापालिका सत्ता मिळवली

Vasai–Virar Result : परभणीमध्ये महापालिकांमध्ये मोठा धक्का बसला आहे. विधानसभा आणि लोकसभेला पराभवाचा सामना करावा लागलेल्या हितेंद्र ठाकूरांच्या बहुजन विकास आघाडीने वसई-विरार महापालिकेत दमदार कामगिरी केली.

115 जागा असलेल्या या महापालिकेत तब्बल 66 जागांवर बहुजन विकास आघाडीवर आहे. तर, 45 जागांवर भाजप आघाडीवर आहेत. त्यामुळे या महापालिकेत बहुजन विकास आघाडीची सत्ता स्थापन होणार असल्याचे चित्र आहे.

तर, परभणीत देखील ठाकरेंची शिवेसना सर्वात मोठा पक्ष ठरला आहे. तब्बल 23 जागांवर ते आघाडीवर आहेत. तर, भाजपला 13 जागांवर आघाडीवर आहे. तर, काँग्रेसला 11 जागा आहेत. 65 जागा असलेल्या या महापालिकेत ठाकरेंची शिवसेना आणि काँग्रेस मिळून सत्ता स्थापन करतील.

भाजपची कामगिरी सुधारली

वसई-विरारमध्ये लोकसभा आणि विधानसभेला यश मिळाल्यानंतर महापालिकेत देखील त्यांना मिळेल असा अंदाज होता. मात्र, ते सत्तेपासून लांब राहिले आहेत. मात्र, या महापालिकेत भाजप अस्तित्वात देखील नव्हती. बहुजन विकास आघाडीची इथे एक हाती सत्ता होती. त्याला आव्हान देत तब्बल 48 जागा त्यांना मिळणार आहे. त्यामुळे सत्ता नसली विरोधी पक्षनेतेपद त्यांना मिळणार आहे.