Uddha Thackery News : विधानसभा निवडणुकीत अपयश आल्यानंतर शिवसेना उद्धव बाळासाहेब ठाकरे पक्षातून मोठ्या प्रमाणात आऊट गोईंग सुरू झाले. मुंबईत ठाकरेंना मोठा फटका बसला होता. ठाकरेंचे माजी नगरसेवकांना एकनाथ शिंदेंनी आपल्या पक्षात घेतले होते. मात्र, आता मनसेसोबत शिवसेना उद्धव बाळासाहेब ठाकरे पक्षाची युतीची होणार असल्याने शिंदेकडे गेलेले नगरसेवक पुन्हा ठाकरेंकडे येण्याच्या तयारीत आहेत.
'साम टिव्ही'ने दिलेल्या वृत्तानुसार तब्बल 15 माजी नगरसेवकांनी शिवसेना उद्धव बाळासाहेब ठाकरे पक्षाशी संपर्क साधण्याचा प्रयत्न करत आहेत. हे नगरसेवक पुन्हा ठाकरेंकडे येण्यास इच्छुक आहेत. आमदार सचिन आहेर यांनी देखील तिकडून इकडे संपर्क केला जात असल्याचे सांगितले आहे.
आमदार सचिन आहेर म्हणाले की, नगरसेवक पुन्हा यायच्या तयारीत आहेत. काही नगसेवक आहेत जे तिकडून इकडे संपर्क करत आहेत. कारण त्यांना माहीत पडलं की मनसे आणि आमची युती झाली तर मराठी भाषिक व्होट आहे. मुंबईत शिवसेनेने नेतृत्व दिले आहे. त्याचे वेगळे परिणाम त्यांना पाहायला मिळतात त्यामुळे त्यांची अशी भूमिका पाहायाला मिळत आहे. पण जो पर्यंत पक्ष लाईन ठरवणार नाही तोपर्यंत पुढची चर्चा करणं अयोग्य होईल.
दरम्यान, खासदार नरेश म्हस्के यांनी ठाकरेंच्या पक्षाकडून केला जाणार दावा ही केवळ अफवा असल्याचे म्हटले आहे. त्यांनी सांगितले की , 'एकनाथ शिंदेसाहेबांच्या नेतृत्वाखाली आमच्याकडे भरती सुरू आहे, आहोटी नाही. जे त्यांच्याकडचे आमदार जाणार आहेत त्यांना थांबण्यासाठी अशा प्रकारच्या बातम्या पेरल्या जात आहेत. त्यांनी काळजी करू नये आमच्याकडे सर्व सुखाने नांदत आहेत. आपलं कुंकू पसून लोक आले आहेत परत आपलं कुंकू लावयला कोणी येणार नाही.
मुंबई महापालिकेसाठी राज ठाकरे आणि उद्धव ठाकरे हे एकत्र येणार असल्याची चर्चा आहे. त्यामुळे शिंदेंकडे गेलेल्या माजी नगरसेवकांमध्ये अस्वस्थता आहे. ठाकरे बंधूंच्या युतीच्या चर्चे आधी मोठ्या प्रमाणात उद्धव ठाकरेंचे मुंबईतील माजी नगरसेवक एकनाथ शिंदेंच्या शिवसेनेत गेले होते. शिंदेंनी केलेल्या दाव्याप्रमाणे तब्बल 50 माजी नगरसेवक त्यांच्याकडे आले. तसेच निवडणुकीच्या आधी देखील आणखी नगरसेवक त्यांच्याकडे येणार आहे. दरम्यान, ठाकरे बंधूंच्या युतीची चर्चा सुरू झाल्यापासून शिंदेंकडे सुरू असलेली इन्कमिंग थांबली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.