Video Chhagan Bhujbal : मोठी बातमी! छगन भुजबळ अजित पवारांच्या पक्षात नाराज? सुनील तटकरे म्हणतात...

Chhagan Bhujbal News : लोकसभा निवडणुकीच्या निकालानंतर वाताहत झालेल्या राष्ट्रवादी काँग्रेसची जनसन्मान रॅली बारामतीत थाटात झाली. उपमुख्यमंत्री अजित पवारांच्या नेतृत्वात राष्ट्रवादीचे नेते झाडून बारामतीत दाखल झाले. विधानसभेच्या निवडणुकीत ताकदीने लढणार, महायुती मजबूत राहणार छातीठोकपणे या नेत्यांनी सांगून टाकले. त्यात अजित पवारांच्या भाषणा पाठोपाठ छगन भुजबळांनी सभेचा ताबा घेऊन जोरदार बॅटींग केली.

आपल्या कडक भाषणात महाविकास आघाडी आणि शरद पवार यांच्या नावाचा उल्लेख न करता जोरदार हल्ला केला. त्यानंतरच्या काही तासांतच भुजबळांच्या स्वारी सिल्वर ओकच्या दारी गेली. आणि महाराष्ट्राचे राजकारण ढवळून निघाले.

अजित पवारांच्याच Ajit Pawar पक्षाचे नव्हे तर महायुतीतील शिवसेना, भाजपाचे नेते भुजबळ पवार भेटवर बोलू लागले. विरोधकांनी या मुद्यात लक्ष घातले. त्यानंतर भुजबळ हे अजित पवारांच्या पक्षात नाराज आहेत. ते शरद पवारांकडे जाणार आहेत, असा वावड्या उठल्या. त्यावर राष्ट्रवादी काँग्रेसचे प्रदेशाध्यक्ष सुनील तटकरे यांनी आपली बाजू मांडली.

सुनील तटकरे Sunil Tatkar म्हणाले, या भेटीमागचे प्रयोजन छगन भुजबळ हेच सांगतील. भुजबळ साहेब हे ज्येष्ठ नेते आहेत. भुजबळ साहेब नाराज नाहीत. कपोकल्पित काहाण्या पसरवू नये. त्यांनी बारामतीमध्ये जोरदार भाषण केले आहे. सिल्वर ओकवरील भेटीविषयी तेच सांगू शकतील, असे म्हणत भुजबळ अजित पवारांच्या सोबतच राहतील हे तटकरे यांनी ठासून सांगितले.