Shivaji Maharaj Wagh Nakh : वाघनखं भारतात येणार अन् पुन्हा लंडनला जाणार; कसा असेल प्रवास ?

Mumbai News : लंडनमधील संग्रहालयातील वाघनखं भारतामध्ये आणण्याचा करार आज पार पडणार आहे. भारतीय प्रमाणवेळेनुसार आज रात्री आठ वाजण्याच्या सुमारास होणाऱ्या या करारात मुख्यमंत्री एकनाथ शिंदे व्हिडिओ कॉन्फरन्समधून उपस्थित राहणार आहेत. त्यानंतर १६ नोव्हेंबर रोजी ही वाघनखं भारतात येणार आहे. सुरुवातीला साताऱ्यातील वस्तुसंग्रहालयात ही वाघनखं ठेवण्यात येतील. त्यानंतर नागपूर, कोल्हापूर आणि मुंबईमध्ये लोकांना वाघनखं पाहता येणार आहेत. (Latest Marathi News)

वाघनखांचा कसा असेल प्रवास?

*वाघनखं सुरुवातीला साताऱ्यातील संग्रहालयात ठेवली जातील.

*१५ ऑगस्ट २०२४ रोजी ही वाघनखं नागपूरच्या वस्तुसंग्रहालयात ठेवली जातील.

*१५ एप्रिल २०२५ रोजी ही वाघनखं कोल्हापूरच्या संग्रहालयात आणली जाणार आहेत.

*१५ नोव्हेंबर २०२५ रोजी ही वाघनखं मुंबईच्या वस्तुसंग्रहालयात ठेवण्यात येणार आहेत.

*१६ ऑक्टोबरला ही वाघनखं पुन्हा लंडनला रवाना करण्यात येणार आहे.

मुंबईकरांना शिवाजी महाराजांची ही वाघनखं २०२५ या वर्षाच्या अखेरीस पाहायला मिळणार आहे., यानंतर करारानुसार ही वाघनंखं पुन्हा लंडनला पाठवण्यात येणार आहेत. यामुळे वाघनखं आता कायमस्वरूपी भारतात येणार नाही का? असा सवाल उपस्थित होत आहे.

(Edited By - Chetan Zadpe)