Eknath Shinde On Mumbai Pollution : 'मुंबईत कृत्रिम पाऊस पाडणार'; मुख्यमंत्री शिंदे ॲक्शन मोडवर...

Mumbai News : मुंबई शहरात प्रदूषणाची समस्या जटील बनली आहे. यावर प्रशासनाकडून काय खबरदारी घेतली, याच्या पाहणीसाठी भल्या पहाटे म्हणजे सहा वाजल्यापासून मुख्यमंत्री एकनाथ शिंदे मुंबईत विविध ठिकाणी भेटी देत आहेत.

विशेष म्हणजे ठाकरे गट प्रमुख उद्धव ठाकरे यांच्या निवासस्थानापासूनच शिंदेंनी पाहणीला सुरुवात केली आहे. या वेळी त्यांच्यासोबत महानगरपालिका आयुक्त इक्बाल सिंग चहल होते. मुख्यमंत्री पहाटेच सक्रिय झाल्यामुळे त्यांच्या या दौऱ्याची चर्चा होती. (Latest Marathi News)

या पाहणीवेळी मुख्यमंत्र्यांनी प्रसार माध्यमांशी संवाद साधला. या वेळी ते म्हणाले, "प्रदूषणाचे प्रमाण मागील काही दिवसांत वाढले आहे. मी संबंधित प्रशासनाला आवश्यक त्या सूचना दिल्या आहेत. रस्ते वेळोवेळी पाण्याने धुवावेत, डस्ट पूर्ण साफ करावी. काही यंत्रही याकामी लावलेले आहेत. जवळपास एक हजार ट्रॅक्टर भाडेतत्त्वावर घेऊन रस्ते आणि फूटपाथ पाण्याने धुतले जात आहेत. प्रदूषण कमी होईल, यासाठी आवश्यक त्या उपाययोजना केल्या जात आहेत. "

मुख्यमंत्री म्हणाले, "ज्या ठिकाणी बांधकामं सुरू आहेत, अशा अंडर कन्स्ट्रक्शन इमारतींना सर्व नियम पाळायच्या सूचना दिलेल्या आहेत. आवश्यक त्या ठिकाणी फॉगर मशीन लावल्या जात आहेत. दुबईतील कंपनीशी करार करून प्रदूषण कमी करण्यासाठी यंत्रणा उभी केली जाईल. गार्डनच्या ठिकाणी मोठ्या प्रमाणावर झाडे लावूया. माती आणि बांधकाम राडारोडा उघड्या ट्रकमधून नेले जाऊ दिले जाणार नाही."

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

प्रदूषणाबाबत आवश्यक त्या खबरदारी घेण्याच्या सूचना मुख्यमंत्री एकनाथ शिंदेंनी दिल्या आहेत, तर गरज वाटल्यास दुबईतील कांपनीच्या साह्याने करार करून आपण मुंबईत कृत्रिम पाऊस पाडू, असेही शिंदे म्हणाले. या सर्व कामांची पाहणी मी स्वत: करणार असल्याचे मुख्यमंत्र्यांनी सांगितले.

(Edited by - Chetan Zadpe)