MNS News : कल्याण-डोंबिवली महानगरपालिकेच्या निवडणुका जाहीर होताच शहरातील राजकारण वेगाने कलाटणी घेत आहे. एकीकडे भाजप व शिंदेंच्या शिवसेनेकडून विरोधी पक्षांतील बड्या नेत्यांना आपल्या गोटात ओढण्याची तीव्र स्पर्धा सुरू आहे. या दोन्ही पक्षांच्या निशाण्यावर मनसेतील नेते आहे. त्यातच मनसेचे माजी शहराध्यक्ष, माजी नगरसेवकीने मनसेला सोडचिठ्ठी दिली आहे.
मनसेचे माजी शहराध्यक्ष कौस्तुभ देसाई आणि त्यांची पत्नी, माजी नगरसेविका कस्तुरी देसाई यांनी आता आपल्या पक्ष सदस्यत्वाचा राजीनामा दिला आहे.दोघांनीही सोशल मीडियावर पोस्ट करत मनसेला ‘जय महाराष्ट्र’ करत निरोप दिल्याने राजकीय वर्तुळात खळबळ उडाली आहे.
विशेष म्हणजे कौस्तुभ देसाई यांचे भाऊ कल्पेश देसाई यांनी काही दिवसांपूर्वीच ठाकरेंच्या शिवसेनेत प्रवेश केला आहे. त्यामुळे कौस्तुभ आणि कस्तुरी देसाई हे पुढे नेमक्या कोणत्या पक्षात प्रवेश करणार, याबाबत राजकीय वर्तुळात तर्कवितर्कांना उधाण आले आहे. मात्र राजीनाम्याबाबत बोलताना दोघांनीही, “सध्या कोणत्याही पक्षात प्रवेशाचा अंतिम निर्णय घेतलेला नाही,” असे स्पष्ट केले आहे.
कल्याण-डोंबिवलीत सध्या भाजप आणि शिवसेना शिंदे गटामध्ये वर्चस्वाची थेट लढाई सुरू आहे. आगामी पालिका निवडणुकांच्या पार्श्वभूमीवर मनसे, शिवसेना ठाकरे गट, काँग्रेस आणि राष्ट्रवादी काँग्रेसमधील माजी नगरसेवक व पदाधिकाऱ्यांना गळाला लावत दोन्ही पक्षांनी आपली ताकद वाढवण्याचा प्रयत्न सुरू केला आहे. त्यातून केवळ विरोधकांनाच नव्हे, तर एकमेकांच्या पक्षांतील अंतर्गत धुसफुसही उघड झाली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.