Mhada : 'प्रथम येणाऱ्यास प्रथम प्राधान्य' तत्वावर म्हाडानं विक्रीसाठी काढलेल्या सदनिकांची योजना स्थगित करण्यात आली होती. ही योजना पुन्हा सुरु होत असून उद्यापासून अर्थात १७ फेब्रुवारी २०२६ पासून अर्ज प्रक्रिया सुरु होणार आहे. त्यासाठी म्हाडाच्या अधिकृतसंकेस्थळावर जाऊन अर्ज करण्याचं आवाहन म्हाडाच्यावतीनं करण्यात आलं आहे.
म्हाडाच्या मुंबई मंडळाकडून ‘प्रथम येणाऱ्यास प्रथम प्राधान्य’ तत्त्वावर ११८ सदनिकांची विक्री जाहीर करण्यात आली आहे. या घरांसाठी ऑनलाइन अर्ज नोंदणी १७ फेब्रुवारी २०२६ रोजी सकाळी ११ वाजल्यापासून https://bookmyhome.mhada.gov.in या संकेतस्थळावर सुरू होणार आहे. अर्ज सादर करणे व अनामत रक्कम भरण्याची प्रक्रिया ४ मार्चपासून सुरू होईल. सदनिका निश्चित केल्यानंतर ४८ तासांत विक्री किमतीच्या १० टक्के रक्कम भरणे बंधनकारक आहे. इच्छुकांनी अधिकृत संकेतस्थळावरच अर्ज करून या संधीचा लाभ घ्यावा, असे आवाहन म्हाडानं केलं आहे.
यापूर्वी म्हाडाकडून १२० सदनिकांसाठी 'प्रथम येणाऱ्यास प्रथम प्राधान्य' तत्वावर ३ फेब्रुवारी रोजी जाहीरात काढली होती. या जाहिरातीनुसार, ५ फेब्रुवारीपासून ऑनलाईन अर्ज नोंदणी सुरु होणार होती. पण तत्पूर्वी पूर्वसंध्येला म्हणजे ४ फेब्रुवारीरोजी अचानक म्हाडाकडून याला स्थगिती जाहीर केली होती. यासाठी तांत्रिक कारणांमुळं ही स्थगिती दिल्याचं स्पष्टीकरण म्हाडाकडून देण्यात आलं होतं. तसंच लवकरच ही त्रांतिक तृटी दूर करुन नव्यानं जाहीरात काढण्यात येईल असंही म्हाडानं जाहीर केलं होतं.
अँटॉप हिल - ३५ सदनिका, तुंगा पवई - ४४, शिंपोली कांदिवली - ८, जेव्हीपीडी अंधेरी पश्चिम - ७, भायखळा - ६, ताडदेव - ६, लोअर परळ - ४, चारकोप सेक्टर -८ - २, पीएमजीपी मानखुर्द - १, मालवणी - १, गायकवाड नगर मालवणी - १, घाटकोपर पूर्व - २, कन्नमवार नगर -१, सायन - २. इथं या म्हाडाच्या सदनिका असणार आहेत.