MNS Amit Thackeray news : नवी मुंबईमधील नेरूळ इथं छत्रपती शिवाजी महाराज यांचा झाकून ठेवलेल्या पुतळ्याचं अनावर केल्याप्रकरणी मनसचे प्रमुख राज ठाकरे यांचे पुत्र मनविसेचे अध्यक्ष अमित ठाकरे यांच्याविरोधात पहिला राजकीय गुन्हा दाखल झाला आहे. नवी मुंबई पोलिसांनी गुन्ह्याची नोंद घेतली आहे.
अमित ठाकरेंविरुद्ध गुन्हा दाखल होताच, शिवसेना उद्धव बाळासाहेब ठाकर सेनेच्या युवासेनेचे प्रमुख आमदार आदित्य ठाकरे मैदानात उतरले आहे. मोडून काढू ही दादागिरी, असा इशारा आदित्या ठाकरेंनी दिला आहे.
छत्रपती शिवाजी महाराज यांचा पुतळा नवी मुंबईतील (Navi Mumbai) नेरुळ इथं चार महिन्यांपासून झाकून ठेवला होता. झाकून ठेवलेल्या या पुतळ्याचे मनविसेचे अमित ठाकरे यांनी रविवारी कोणतीही परवानगी न घेता अनावरण केलं. याप्रकरणी नवी मुंबई पोलिसांनी अमित ठाकरे यांच्यासह 70 मनसे कार्यकर्त्यांवर गुन्हा दाखल केला आहे. अमित ठाकरे यांच्याविरोधात दाखल झालेला हा पहिला राजकीय गुन्हा आहे.
अमित ठाकरेंविरुद्ध (Amit Thackeray) गुन्हा दाखल होताच, त्यांचे बंधू आमदार आदित्य ठाकरे आपल्या भावासाठी मैदानात उतरलेत. आदित्य ठाकरेंनी या गुन्ह्यासंदर्भात एक्सवर पोस्ट शेअर केली आहे. त्यात म्हटले आहे की, 'आमच्याच राज्यात, आमच्याच दैवताचा सन्मान नाही करायचा तर कोणाचा करायचा? ही दडपशाही महाराष्ट्र जुमानणार नाही!'
'छत्रपती शिवाजी महाराज यांचा पुतळा चार महिन्यांपासून घाणेरड्या कापडाने झाकून ठेवलात आणि काल अमितने हा महाराजांचा अपमान सहन न झाल्याने त्या पुतळ्यावरचं कापड काढून अनावरण केलं. महाराजांचा सन्मान राखला तर तुम्ही निर्लज्जपणे त्यावर केस करता? मोडून काढू ही दादागिरी, निवडणूक आयोग सरकारची,' असा ठाकरे शैलीत आदित्य ठाकरेंनी एक्सवरून इशारा दिला आहे.
नवी मुंबईतील नेरूळ इथं राजीव गांधी उड्डाणपुलाजवळचा शिवाजी महाराजांचा पुतळा चार महिन्यांपासून तयार असूनही अनावरण न करता कापडाने झाकून ठेवला होता. कौपरखैरणे इथं मनसे शाखेच्या उद्घाटनासाठी आलेल्या अमित ठाकरे यांना ही बाब कळताच, त्यांनी मनसैनिकांसह तात्काळ पुतळ्याचे अनावरण केले.
या वेळी मनसैनिक आणि पोलिसांत किरकोळ झटापटही झाली. या प्रकरणी नवी मुंबई पोलिसांनी अमित ठाकरे आणि त्यांच्यासोबतच्या 70 मनसैनिकांवर गुन्हा दाखल केला आहे. या कृत्यासाठी माझ्यावर कारवाई होत असेल तर ही माझ्या आयुष्यातील पहिली केस असेल. मात्र वेळ आली तर महाराजांसाठी अशा अनेक केसेस अंगावर घेवू, असे त्यांनी म्हटले होते.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.