Arvind Sawant News : खासदार सावंतांच्या अडचणीत वाढ; शायना एनसींच्या तक्रारीनंतर गुन्हा दाखल

Mumbai News : शिवसेना उद्धव ठाकरे पक्षाचे खासदार अरविंद सावंत यांच्याविरोधात मुंबईतील नागपाडा पोलिस ठाण्यात गुन्हा दाखल झाला आहे. त्यामुळे येत्या काळात खासदार सावंत यांच्या समोरील अडचणी वाढल्या आहेत. एकनाथ शिंदे यांच्या शिवसेनेच्या मुंबादेवीतील उमेदवार शायना एनसी यांच्याविरोधात त्यांनी आक्षेपार्ह टीका केली होती. शायना एनसी यांच्या तक्रारीवर खासदार सावंत यांच्याविरोधात गुन्हा नोंद करण्यात आला आहे.

भारतीय न्याय संहिता कलम 79 आणि कलम 356 (2) अंतर्गत पोलिसांनी गुन्हा नोंदवला आहे. अरविंद सावंत (Arvind Sawant) यांनी 'इम्पोर्टेड माल नहीं चलेगा, ओरिजनल चलेगा', असे विधान सावंत यांनी केले होते. त्यानुसार नागपाडा पोलीस स्टेशनमध्ये तक्रार दाखल केल्यानंतर गुन्हा दाखल करण्यात आला आहे.

'खासदार अरविंद सावंत महिलांचा मान राखा आणि माफी मागा' अशी मागणी करत शिवसेनेनेच्या (Shivsena) उमेदवार शायना एनसी या शिवसेना उद्धव ठाकरे पक्षाचे खासदार अरविंद सावंत यांच्याविरोधात नागपाडा पोलीस स्टेशनमध्ये तक्रार दाखल केली.

शायना एनसी यांना अरविंद सावंत यांनी अप्रत्यक्षपणे माल असे म्हटले आहे. त्यावर शायना एनसी यांनी अरविंद सावंत यांचा समाचार घेतला घेत त्यांना सुनावले आहे. एखाद्या स्त्रीला माल शब्द वापरणे म्हणजे तिचा अपमान करणं आहे. जे उद्धव ठाकरे गटाचे नेते करीत आहेत. माल बोलल्याने तुम्हीच आता बेहाल होणार आहात, अशा शब्दात शायना एनसी यांनी सावंतांना खडेबोल सुनावले होते.

दरम्यान, या सर्व प्रकारानंतर सत्ताधारी नेतेमंडळींकडून खासदार सावंत यांच्यावर टीका केली जात आहे. त्यामुळे ऐन निवडणुकीच्या रणधुमाळीत राज्यातील वातावरण चांगलेच तापले आहे. शिवसेनेनेच्या उमेदवार शायना एनसी या खासदार अरविंद सावंत यांच्याविरोधात नागपाडा पोलीस स्टेशनमध्ये तक्रार दाखल केली. त्यांनतर ठाण्यात अरविंद सावंत यांच्या विरोधात FIF दाखल करण्यात आली आहे.