BMC मध्ये 'GEN Z'चा आवाज घुमणार; 30 वर्षांखालील 12 नगरसेवक

Gen Z Councillors in Mumbai Mahapalika: मुंबईसह राज्यातील महत्त्वाच्या महापालिकांमध्ये युवा नेते (GEN Z) नगरसेवक झाले आहेत. एकट्या मुंबईकरांनी 12 GEN Z नगरसेवकांना निवडून दिले असून त्यांचे वय 30 वर्षांपेक्षा कमी आहे.

Mumbai Municipal Corporation Sarkarnama

Published on:

19 Jan 2026, 8:26 am IST

Updated on:

19 Jan 2026, 8:26 am IST

BMC Election Results 2026: महानगरपालिकेच्या निवडणूक निकालांनी राज्यातील राजकारणात नवा अध्याय सुरू झाला आहे. या निकालांमध्ये सर्वाधिक चर्चा होत आहे की कमी वयाच्या विजयी उमेदवारांची. राज्यात बहुतांश ठिकाणी तरुणाईने विजयाचा गुलाल उधळला आहे.

मुंबई महापालिकेत अशा उमेदवारांची संख्या सर्वाधिक आहे. पारंपारिक प्रचारासह या जेन झी उमेदवारांनी सोशल मीडियावर नव्या तंत्रज्ञानाचा वापर करीत युवा मतदारापर्यंत पोहचण्यात ते यशस्वी ठरले आहेत. हे जेन झी महापालिकांना नवा राजकीय लूक देणार का? याविषयी नागरिकांमध्ये कुतूहल आहे.

नुकत्याच झालेल्या महापालिकेच्या निवडणुकीत अनेक पक्षांना दिग्गज माजी नगरसेवक, नेत्यांचे तिकीट कापत युवा उमेदवारांना रिंगणात उतरवले होते. मुंबईसह राज्यातील महत्त्वाच्या महापालिकांमध्ये युवा नेते (GEN Z) नगरसेवक झाले आहेत. एकट्या मुंबईकरांनी 12 GEN Z नगरसेवकांना निवडून दिले असून त्यांचे वय 30 वर्षांपेक्षा कमी आहे.

महापालिकांमध्ये 'जेन झेड' नगरसेवकांची दमदार एन्ट्रीने झाली असली तरी ते कशाप्रकारे प्रशासकीय कामे कशी करणार, डिजिटल युगात वाढलेली ही पिढी महापालिका क्षेत्रातील नागरीकांच्या समस्या कशा सोडवणार, हे पाहणे उत्सुकतेचं ठरणार आहे. जेन झी (Gen Z) मधील हे तरुण नेते नवे व्हिजन घेऊन शहराच्या विकास करीत अशी अपेक्षा आहे.

ठाकरेंच्या हातातून मुंबई निसटण्याची ही आहेत 10 मोठी कारणे

पुण्यात प्रभाग 7 मधून अवघ्या 24 वर्षांच्या अंजली ओरसे यांनी मिळवलेला विजय विशेष लक्षवेधी ठरला आहे. गोखले नगर परिसरातून निवडणूक लढवलेल्या अंजली ओरसे या सुरुवातीपासूनच चर्चेत होत्या. आर्ची सारखी दिसणारी उमेदवार म्हणून सोशल मीडियावर त्यांची वेगळी ओळख निर्माण झाली होती.