मुंबईत पहाटे 3 वाजता आलेल्या एका धमकीच्या फोनमुळे सुरक्षा यंत्रणांमध्ये मोठी खळबळ उडाली आहे. रेल्वे पोलिसांच्या नियंत्रण कक्षात आलेल्या या फोनने प्रशासनाची झोप उडवली. अनोळखी व्यक्तीने स्वतःचे नाव इरफान असल्याचे सांगत अत्यंत गंभीर आणि धोकादायक इशारा दिला.
फोन करणाऱ्या व्यक्तीने थेट 5 कोटी रुपयांची मागणी केली. एवढ्यावरच तो थांबला नाही, तर सरकारशी थेट बोलणी करून द्यावी, अशी अजब अटही त्याने घातली. त्याच्या मागण्या पूर्ण न झाल्यास गंभीर परिणाम भोगावे लागतील, अशी स्पष्ट धमकी देण्यात आली. या धमकीत रेल्वे स्थानके, लष्कराची कार्यालये आणि शहरातील महत्त्वाची हॉटेल्स यांना लक्ष्य करण्याचा उल्लेख करण्यात आला होता. त्यामुळे परिस्थितीचे गांभीर्य अधिक वाढले आहे.
फोन आल्यानंतर संबंधित व्यक्तीने लगेच कॉल कट केला. मात्र, या काही क्षणांच्या संभाषणानेच पोलिस यंत्रणा सतर्क झाली. पहाटेच्या वेळी आलेल्या या घटनेमुळे रेल्वे पोलीस आणि मुंबई पोलीस दोन्ही विभागांनी तातडीने हालचाली सुरू केल्या. अशा प्रकारच्या धमक्यांकडे दुर्लक्ष करणे शक्य नसल्याने तपास वेगाने सुरू करण्यात आला आहे.
सध्या पोलिसांकडून त्या मोबाईल क्रमांकाचा माग काढण्याचे काम सुरू आहे. फोन कुठून आला, कोणत्या ठिकाणाहून कॉल करण्यात आला आणि त्यामागे कोण आहे, फोन करणारा व्यक्ती कोण आहे आणि तो कुठून बोलत होता, याचा तांत्रिक तपास सध्या सुरू आहे.
या घटनेनंतर मुंबईतील महत्त्वाच्या ठिकाणांची सुरक्षा अधिक कडक करण्यात आली आहे. रेल्वे स्थानके, गर्दीची ठिकाणे आणि संवेदनशील भागांमध्ये अतिरिक्त पोलीस बंदोबस्त तैनात करण्यात आला आहे. पोलीस प्रशासन परिस्थितीवर पूर्णपणे नियंत्रण ठेवून आहे. आरोपीला लवकरच अटक होईल, असा विश्वास पोलिसांनी व्यक्त केला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.