Mumbai News, 04 Sep : खासदार तथा माजी केंद्रीय मंत्री आणि भाजपचे ज्येष्ठ नेते नारायण राणे यांच्या संदर्भात एक महत्वाची माहिती समोर आली आहे. ती म्हणजे राणे यांना जसलोक रुग्णालयात तातडीने दाखल करण्यात आलं आहे.
राणे यांच्यावर आज गुरूवारी (ता.04) तातडीने शस्त्रक्रिया केली जाणार असल्याची माहिती समोर आली आहे. मात्र, त्यांच्यावर नेमकी कोणत्या प्रकारची शस्त्रक्रिया केली जाणार याबाबतची माहिती समजलेली नाही.
मात्र, अचानक त्यांना रूग्णलयात दाखल केल्यामुळे राणेंच्या समर्थकांमध्ये चिंतेचं वातावरण आहे. मिळालेल्या माहितीनुसार, नारायण राणेंना डॉक्टरांनी शस्त्रक्रिया करण्याचा सल्ला दिल्यामुळे त्यांना तातडीने मुंबईतील जसलोक रुग्णालयात दाखल केलं.
डॉक्टरांच्या सल्ल्यानुसार त्यांच्यावर आज शस्त्रक्रिया केली जाणार आहे. नारायण राणे भाजपचे जेष्ठ नेते असून भाजपमध्ये येण्यापूर्वी ते काँग्रेसमध्ये होते. त्यांची राजकीय सुरूवात ही बाळासाहेब ठाकरेंच्या शिवसेनेतून झाली होती.
कट्टर शिवसैनिक असलेल्या राणेंना बाळासाहेबांनी महाराष्ट्राचं मुख्यमंत्री बनवलं होतं. तर सध्या नारायण राणे यांची दोन्ही मुलं राजकारणात असून दोघेही आमदार आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.