Political News : राज्याच्या राजकारणात आजही अजित पवार आणि देवेंद्र फडणवीस यांचा पहाटेचा शपथविधी चर्चेत आहे. त्या शपथविधीवरून आजही आरोप-प्रत्यारोप होताना आपल्याला पाहायला मिळतात. तसेच गेल्या काही दिवसांपासून राष्ट्रवादी काँग्रेस पक्ष भाजपबाबत मवाळ भूमिका घेत असल्याची चर्चा राज्याच्या राजकीय वर्तुळात आहे.
या पार्श्वभूमीवरच पुन्हा देवेंद्र फडणवीस आणि अजित पवारांचा पहाटेचा शपथविधी होणार का? या प्रश्नावर शरद पवारांनी गुगली टाकली आहे.
भविष्यात भाजपसोबत राष्ट्रवादी काँग्रेस आघाडी करेल का? यावर राष्ट्रवादीचे अध्यक्ष शरद पवार यांनीच मोठं विधान केलं. ''भविष्यात कोणी काय निर्णय घेईल? याबाबत आत्ता सांगता येणार नाही'', असं ते म्हणाले. त्यांच्या या विधानाची राज्याच्या राजकारणात संध्या चर्चा रंगली आहे. आज ते एका वृत्तवाहीनीच्या मुलाखतीत बोलत होते.
यावेळी भाजपबरोबरच्या आघाडीवर शरद पवारांनी भूमिका स्पष्ट केली. शरद पवार म्हणाले, ''भविष्यात कोणी काय निर्णय घेईल, याबाबत आत्ता सांगता येणार नाही. सध्या तरी महाविकास आघाडी एकत्र आहे. कोण कशी भूमिका घेईल याबाबत आज सांगता येणार नाही. हे तीन पक्ष एकत्र आहेत, यांच्या सहकाऱ्यांची जो पर्यंत एकत्रित काम करण्याची इ्च्छा आहे, तोपर्यंत मला काळजी नाही'', असंही पवार म्हणाले.
''पण जर कोणी वेगळी भूमिका घेण्याचा निर्णय घेतला तर तो त्यांचा निर्णय असेल. तो निर्णय महाविकास आघाडीतील पक्षाचा नसणार, असं मोठं विधान शरद पवार यांनी यावेळी केलं. तसेच यावेळी त्यांनी आगामी निवडणुकीत महाविकास आघाडीतील पक्षांच्या जागावाटपाबद्दलही भाष्य केलं. महाविकास आघाडीतील तिन्ही पक्षातील जागा वाटपांबाबत अद्याप कुठलीही चर्चा झाली नसल्याचे त्यांनी यावेळी सांगितले.
(Edited By Ganesh Thombare)
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.