Sharad Pawar on Vanchit Bahujan Aghadi : शरद पवारांनी केली उद्धव ठाकरेंची कोंडी; 'वंचित'बाबत स्पष्ट केली भूमिका

Sharad Pawar News : महाविकास आघाडीत 'वंचित' सहभागी होणार का? शरद पवारांनी सांगितलं...
Sharad Pawar on Vanchit Bahujan Aghadi
Sharad Pawar on Vanchit Bahujan Aghadi Sarkarnama
Published on
Updated on

Political News : गेल्या काही दिवसांपासून महाविकास आघाडीत वंचित बहुजन आघाडी सामील होण्याच्या चर्चा सुरू आहेत. काही दिवसांपूर्वी शिवसेना उद्धव बाळासाहेब ठाकरे पक्ष आणि वंचित बहुजन आघाडीच्या नेत्यांची विशेष बैठक पार पडली. या बैठकीनंतर वंचित बहुजन आघाडी लवकरच महाविकास आघाडीत येईल, अशी चर्चा राजकीय वर्तुळात सुरू झाली आहे.

पण आता याबाबत राष्ट्रवादीचे अध्यक्ष शरद पवार यांनी 'वंचित'बाबत आपली भूमिका स्पष्ट केली आहे. महाविकास आघाडीत चौथा पक्ष येईल का? याबाबत राष्ट्रवादीचे अध्यक्ष शरद पवार यांनी मोठं भाष्य केलं आहे. ते आज एका वृत्तवाहीनीच्या मुलाखतीत बोलत होते.

Sharad Pawar on Vanchit Bahujan Aghadi
Sharad Pawar on NCP : राष्ट्रवादीचा राष्ट्रीय पक्षाचा दर्जा रद्द का करण्यात आला? खुद्द पवारांनीच सांगितलं कारण

शरद पवार म्हणाले, ''आत्ता महाराष्ट्रात जी तीन पक्षांची आघाडी आहे. त्यामध्ये आणखी कोणी चौथा असेल असं दिसत नाही. कुणालाही अॅडजेस्टमेंट करावी लागत असेल तर त्या नेतृत्वाला विश्वासात घेऊन करावं लागेल. स्थानिक नेत्यांना विश्वासात घेऊन त्या-त्या ठिकाणी कार्य करावे लागेल'', असं म्हणत एक प्रकारे शरद पवार यांनी वंचित बहुजन आघाडीला महाविकास आघाडीत कोणतेही स्थान नाही '', असेच संकेत दिले आहेत.

Sharad Pawar on Vanchit Bahujan Aghadi
Pune Lok Sabha By-Election: पुणे लोकसभेसाठी राष्ट्रवादीचे एक पाऊल पुढे; तीन नावांवर सुरु आहे सर्व्हे; पोटनिवडणूक लढणार...?

वंचित बहुजन आघाडीचे नेते प्रकाश आंबेडकर यांच्याशी आपण चर्चा करणार का? या प्रश्नाचे उत्तर देताना पवार म्हणाले की, ''तसा कुठलाही विषयच येत नाही. माझ्या पक्षातील काही सहकारी असतात. त्यांच्याही पक्षातील काही सहकारी असतात. ते चर्चा करत असतात'', असं म्हणत महाविकास आघाडीत वंचित बहुजन आघाडी सामील होण्याच्या काही दिवसांपासून सुरू असलेल्या चर्चांवर एक प्रकारे शरद पवारांनी पडदाच टाकला आहे.

(Edited By Ganesh Thombare)

सरकारनामाचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Politics News on Sarkarnama
sarkarnama.esakal.com