Raj Thackeray : तब्बल 20 वर्षांनी राज ठाकरे शिवसेना भवनाची पायरी चढले, कारणही खास

Raj Thackeray News : शिवसेनेची साथ सोडून मनसेची स्थापन करणाऱ्या राज ठाकरे तब्बल 20 वर्षानंतर आज दादरमधील शिवसेना भवनामध्ये आले आहेत. मुंबई महापालिका निवडणुकीत शिवसेना उद्धव बाळासाहेब ठाकरे पक्ष आणि मनसे यांच्यामध्ये युती झाली आहे.

ठाकरे बंधूंसह आणि राष्ट्रवादी काँग्रेस शरदचंद्र पवार पक्षाची आज शिवसेना भवनात संयुक्त पत्रकार परिषद होत आहे. या पत्रकार परिषदेसाठी राज ठाकरे शिवसेना भवनात आले आहेत. मुंबई महापालिका निवडणुकीचा जाहीरनामा आज प्रसिद्ध केला जाणार आहे.

मुंबई माणसाला केंद्रस्थानी ठेऊन तयार करण्यात आलेल्या या जाहीरनाम्यात मुंबईच्या विकासाचे व्हिजन मांडण्यात आले आहे. शनिवारी आदित्य ठाकरे आणि अमित ठाकरे यांनी आपल्या पदाधिकाऱ्यांसमोर शिवसेना भवनात संयुक्त पणे मांडणी करत जाहीरनाम्यातील मुद्दे सांगितले होते.

संजय राऊत यांनी आज सकाळी पत्रकारांशी संवाद साधताना म्हटले होते की, ठाकरे बंधू आज पत्रकारांशी संवाद साधणार आहेत. तसेच शाखा शाखांना दोन्ही बंधू भेट देणार आहे. दरम्यान, उद्या विक्रोळीमध्ये ठाकरे बंधूंची पहिली संयुक्त सभा होणार आहे.