Sambhajiraje Chhatrapati : संभाजीराजे छत्रपती आज राजकीय स्फोट करणार?

Sambhajiraje Chhatrapati Latest news: स्वराज्य संघटनेचे प्रमुख संभाजीराजे छत्रपती यांनी मोठी घोषणा करणार असल्याचं सांगितलं होतं. त्यानंर आज (२६ मार्च) नवी मुंबईतील कोपर खैरणेमध्ये सभा होणार असून या सभेत स्वराज्य संघटना राजकीय रणशिंग फुंकणार असल्याची चर्चा राजकीय वर्तुळात सुरु झाली आहे. इतकेच नव्हे तर, संभाजीराजे छत्रपती काही मोठे राजकीय स्फोट करणार असल्याचीही चर्चा सुरु झाली आहे.

मिळालेल्या माहितीनुसार, या माध्यमातून संभाजीराजे छत्रपती इतर राजकीय पक्षांसाठी काम करणाऱ्या पण आतापर्यंत फारशी संधी न मिळालेल्या तरुणांना स्वराज्य संघटना संधी देणार आहे.आजच्या या सभेमध्ये स्वराज्य संघटनेची दिशा ठरवली जाणार आहे. त्यामुळे या सभेत संभाजीराजे छत्रपती नेमकं काय बोलणार याकडे हे पाहण महत्त्वाचं ठरणार आहे.

स्वराज्य संघटनेच्या माध्यमाचून आगामी काळात इतर पक्षात काम करणाऱ्या पण आतापर्यंत फारशी संधी न मिळालेल्या तरुणांना संधी देणार असल्याची माहिती मिळत आहे. आगामी काळात स्वराज्य संघटनेत मोठ्या प्रमाणात तरुणांचा प्रवेश करण्याची शक्यता आहे.

दरम्यान गुढीपाडव्याच्या दिवशीच संभाजीराजे छत्रपती यांनी स्वराज्य संघटनेच्या विजयाची गुढी उभारली होती.ज्याप्रमाणे त्यांनी थेट धाराशीवमध्ये जाऊन मंत्री तानाजी सावंतांची पोलखोल केली. तशीच इतर राजकीय मंत्र्यांचीही संभाजीराजे पोलखोल करणार असल्याचं बोलल जात आहे. त्यामुळे आजही छत्रपती संभाजीराजे काय भूमिका घेणार? याकडे सर्वांचं लक्ष लागलं आहे.