Sandeep Deshpande Threat : मनसे नेते संदीप देशपांडेंना जीवे मारण्याची धमकी, दादर पोलिस ठाण्यात गुन्हा

Sandeep Deshpande News : सुप्रीम कोर्टात महाराष्ट्र नवनिर्माण सेनेची मान्यता रद्द करण्याची याचिक दाखल करण्यात आली आहे. उत्तर भारतीय नागरिकांना मारहाण केल्याप्रकरणी पक्षाची मान्यता रद्द करण्याची मागणी या याचिकेतून करण्यात आली आहे. ते प्रकरण ताजे असतानाच मनसेच मुंबई शहराध्यक्ष संदीप देशपांडे यांना फोन करून जीवे मारण्याची धमकी देण्यात आली.

एका अज्ञात व्यक्तीकडून देशपांडे यांना फोन करत शिवीगाळ करण्यात आली तसेच त्याने जीवे मारण्याची धमकी दिली. या फोन करणाऱ्या व्यक्तीच्या विरोधात दादर पोलिस ठाण्यात तक्रार देण्यात आली आहे.

संदीप देशपांडे यांनी सांगितले की, काल रात्री सव्वा दहाच्या दरम्यान ते घरी असताना त्यांना फोन आला. फोन करणाऱ्याने शिव्या घालत होता तसेच त्याने जीवे मारण्याची धमकी दिली. माझ्यावर जेव्हा हल्ला झाला तेव्हा मी घाबरलो नाही. त्यामुळे अशा फालतू लोकांच्या धमकीला मी घाबरत नाही. पोलिस ठाण्यात जाऊन तक्रार दिली आहे. आता पोलिस तपास करतील, असे देशपांडे यांनी म्हटले.

मनसेचा इशारा

उत्तर भारतीय विकास सेना प्रमुख सुनील शुक्ला यांनी कोर्टात याचिका करत मनसेची मान्यता रद्द करण्याची मागणी केली.मनसेचे कार्यकर्ते उत्तर भारतीयांना मारहाण करतात ते हिंदू विरोधी असल्याचा दावा सुनील शुक्ला यांनी केला होता. त्यावर संदीप देशपांडे यांनी मनसेवर बंदी घालण्याची मागणी भैय्या करत असतील तर त्यांना मुंबईत राहू द्यायचे की नाही याचा विचार करावा लागेल, असा इशारा दिला आहे.

संजय निरुपम यांची टीका

मनसेकडून मराठी लोकांना रोजगार आणि मराठी भाषेचा आग्रह केला जातो आहे. या आग्रहामध्ये चुकीचे असे काही नाही मात्र ते आग्रहाच्या नावाखाली मुंबई शहरात नव्याने येणाऱ्या उत्तर भारतीय तरुणांना मारहाण करत असतील तर ते सहन केले जाणार आहे. त्यामुळे पक्षाच्या मान्यता रद्द करण्याच्या याचिकेला त्यांना समोर जावे लागेल, असे एकनाथ शिंदे यांच्या शिवसेनेतील नेते संजय निरुपम यांनी म्हटले आहे.