Mumbai News, 09 Jul : शिंदेंच्या शिवसेनेचे आमदार संजय गायकवाड हे सतत वादाच्या भोवऱ्यात असतात. नुकतंच त्यांनी हिंदी भाषेचं समर्थन करताना वादग्रस्त वक्तव्य केलं होतं. अशातच आता त्यांचा एक धक्कादायक व्हिडिओ समोर आला आहे.
ज्यामध्ये ते आमदार निवासच्या कॅन्टीनमधील एका कर्मचाऱ्याला एखाद्या गुंडाप्रमाणे मारहाण करताना दिसत आहेत. आमदार निवास कॅन्टीनमध्ये शिळं जेवण दिल्याचा आरोप करत संजय गायकवाड यांनी कर्मचाऱ्याला मारहाण केली आहे.
तर आमदार गायकवाड यांच्या याच मारहाणीचा व्हिडीओ पोस्ट करत ठाकरेंच्या शिवसेनेचे खासदार संजय राऊत यांनी थेट मुख्यमंत्री देवेंद्र फडणवीस यांना या कृतीवर तुम्ही काय कारवाई करणार आहात का नाही? असा प्रश्न विचारला आहे.
संजय राऊत यांनी आपल्या ट्विटमध्ये लिहिलं की, "मा. गृहमंत्री देवेंद्र फडणवीस यांना सादर अर्पण! हे चित्र खरे असेल तर आपली यावर काही अॅक्शन आहे काय? तुमच्या राज्यात गरीब आणि दुर्बलांचे असे हाल आहेत!" असं लिहित त्यांनी यावर काही कारवाई करणार का असं विचारलं आहे.
दरम्यान, आमदार संजय गायकवाड यांनी त्यांना जेवणात दिलेली डाळ खराब असल्याचं स्पष्टीकरण दिलं आहे. यावर बोलताना राऊत म्हणाले, डाळ खराब होती तर त्याला जबाबदार तुमचंच सरकार आहे. याच्यापेक्षा वाईट डाळ गोरगरीबांच्या घरात मिळते. मोदी मोफत धान्य वाटतात त्याचा दर्जा बघा.
फक्त आमदारांना 50 खोके मिळाले नाहीत. ठेकेदारांना मिळालेले नाहीत. कॅन्टीनमध्ये भ्रष्टाचार सुरू आहेच. पण आमदाराने टॉवेलवर मारहाण करायची का? कुणालाही मारहाण करायची आणि आपली बाजू मांडायची. तक्रार करण्याचे काही सनदशीर मार्ग आहेत. संबंधित खात्याच्या मंत्र्यांना पत्र लिहून तक्रार करू शकता. गरीब कर्मचाऱ्याला मारहाण करता त्याचा दोष काय? असे प्रश्न उपस्थित करत त्यांनी आमदारावर कारवाई करण्याची मागणी केली आहे.
दरम्यान, कर्मचाऱ्याला मारहाण केल्यानंतर आमदार गायकडवाड यांनी स्पष्टीकरण दिलं आहे. ते म्हणाले, "आमदार निवासमध्ये डाळ-भात आणि पोळी जेवण मागवलं होतं. पहिला घास आंबट लागला त्यामुळे मला उलटीही झाली.
या डाळीचा वास भयंकर होता. त्यामुळे मी जाब विचारण्यासाठी कॅन्टिनमध्ये गेलो. महाराष्ट्रातील ग्रामीण भागात लोक इथे येतात. याआधीही मी दोन-तीन वेळा त्यांना समज दिली होती. एका आमदाराला जर हे लोक विषारी जेवण देत असतील तर मग सामान्य माणसांचं काय होत असेल?"
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.