Maharashtra Politics : देवेंद्र फडणवीसांचे संजय राऊतांकडून तोंडभरून कौतुक, शिंदेंची धडधड वाढली; महापौर निवडणुकीत ट्विस्ट!

Sanjay Raut News: मुंबई महापालिका निवडणुकीत महापौरपदावरून मोठा ट्विस्ट आला आहे. एकनाथ शिंदे यांनी अडीच वर्षासाठी महापौर पदावर दावा केल्याचे सांगितले जात आहे. या सर्व घडामोडीत मुख्यमंत्री देवेंद्र फडणवीस यांचे संजय राऊत यांनी तोंडभरून कौतुक केले आहे.

संजय राऊत म्हणाले, 'पंतप्रधान मोदी यांचे परदेशात स्वागत होते अगदी तसेच स्वागत मुख्यमंत्री देवेंद्र फडणवीस यांचे झुरिच येथे करण्यात आले ही प्रत्येक मराठी माणसाला सुखावणारी गोष्ट आहे.'

'महापालिका निवडणुकीत भरघोस विजय प्राप्त केल्यानंतर फडणवीस यांचा प्रवास दिल्लीतील सर्वोच्च पदासाठी सुरू झालेला दिसतोय', असे देखील राऊत यांनी म्हटले आहे.

एकनाथ शिंदे हे महापौर पदासाठी दबावाचे राजकारण करत असताना संजय राऊतांनी मुख्यमंत्री फडणवीसांचे कौतुक करणे ही शिंदेंसाठी अस्वस्थ करणारी बाब असल्याची चर्चा आहे.

ठाकरेंनी त्यांचे नगरसेवक संभाळावेत

शिंदे यांना नगरसेवक फूटण्याची भीती असल्याचे राऊत म्हणाले होते. त्याला शिंदेंनी प्रत्युत्तर देताना म्हणाले की, ठाकरेंनाच त्यांचे नगरसेवक फूटण्याची भीती आहे. त्यांनी त्यांचे नगरसेवक संभाळावेत.