Mumbai News: बुलढाण्याचे शिवसेना आमदार संजय गायकवाड यांनी आमदार निवास येथील कँटिनमध्ये मारहाण केल्याचा प्रकार मंगळवारी रात्री समोर आला. निकृष्ट जेवण दिल्यानंतर आमदार संजय गायकवाड यांनी कँटीनमधील कर्मचाऱ्याला बेदम मारहाण केली. या घटनेचा व्हिडिओ व्हायरल झाला आहे. विरोधकांनी आमदार संजय गायकवाड यांच्यावर टीका केली आहे. हा सत्ताधाऱ्यांचा माज असल्याचे विरोधकांनी म्हटलं आहे.
कँटीनमधील कर्मचाऱ्याला मारहाण करणे योग्य होते का? असा सवाल यानिमित्ताने उपस्थित करण्यात आला आहे. यावर संमिश्र प्रतिक्रिया येत आहेत. गायकवाडांना त्यांच्या पक्षातून घरचा आहेर मिळाला आहे. शिवसेनेच्या विधान परिषदेचे आमदार मनीषा कायंदे यांनी आमदार गायकवाड यांना घरचा आहेर दिला आहे. आपल्या पक्षातील आमदाराची त्यांनी कानउघडणी केली आहे.
"प्रत्येक विषय हा हाताळण्याची एक वेगळी पद्धत असते जो प्रकार घडला त्याबद्दल तक्रार करता आली असती आणि विषय वेगळ्या पद्धतीने मांडता आला असता तक्रार करून कॅन्टीन वाल्यावर गुन्हा दाखल करून त्याच्यावर कठोर कारवाई करता आली असती, पण अशा रीतीने मारहाण करण एका आमदाराला शोभत नाही, संजय गायकवाड यांनी रागावर नियंत्रण ठेवलं पाहिजे होतं," अशा शब्दात मनीषा कायंदे यांनी स्वपक्षीय आमदाराला कानपिचक्या दिल्या आहेत.
"आमदार संजय गायकवाड यांचा पारा का चढला? त्यांचं रागावरचं नियंत्रण का गेलं? त्यांनी अशी मारहाण का केली एखादा आमदाराचा असा तोल का जातो याचाही विचार झाला पाहिजे," असे राज्याचे मंत्री शंभूराज देसाई म्हणाले. आमदार गायकवाड यांची बाजू समजून घेणं आवश्यक आहे. पण, त्यांनी मारहाण करणं चुकीचं असल्याचे देसाई म्हणाले.
आम्ही आमदार संजय गायकवाड यांच्याशी चर्चा करून गरज पडल्यास मुख्यमंत्री आणि उपमुख्यमंत्री यांच्याशी देखील चर्चा करू तो ठेकेदार काय करतो काय देतो याबाबत देखील गोष्टी समोर येतील, असे देसाई यांनी म्हटले.तुम्हाला गरीब माणसाला मारायला सत्तेत पाठवला आहे का, या मारहाणीचा मी निषेध करतो असं काँग्रेसचे आमदार नाना पटोले यांनी म्हटले.
"आमदार येथे असे वागत असतील तर ते त्यांच्या मतदारसंघात आणि त्यांचे कार्यकर्ते कसे वागत असतील," असा प्रश्न शिवसेना उद्धव बाळासाहेब ठाकरे पक्षाचे आमदार सचिन अहिर यांनी उपस्थित केला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.