Election Commission News : 8 राज्ये, 49 मतदारसंघ, 8.95 कोटी मतदार..! पाचव्या टप्प्याची ही आहेत वैशिष्टये...

New Delhi News : लोकसभा निवडणुकीच्या पाचव्या टप्प्याचा प्रचार शनिवारी थांबला आणि आता सोमवारी मतदान होणार आहे. त्यासाठी केंद्रीय निवडणूक आयोगाकडून (Election Commission News) तयारी पूर्ण करण्यात आली आहे. या टप्प्यात आठ राज्यांतील 49 मतदारसंघात मतदान पार पडणार आहे. देशभरातील 8 कोटी 95 लाख मतदार मतदानाचा हक्के बजावणार आहेत. या टप्प्यांत महाराष्ट्रातील 13 मतदारसंघाचा समावेश आहे.

निवडणूक आयोगाकडून पाचव्या टप्प्यातील तयारीची माहिती दिली आहे. पहिल्या चार टप्प्यांत 23 राज्यांमध्ये 379 लोकसभा मतदारसंघामध्ये (Lok Sabha Election 2024) मतदानाची प्रक्रिया पूर्ण झाली आहे. या टप्प्यांत सरासरी 66 टक्क्यांहून अधिक मतदान झाले असून 45 कोटींहून अधिक मतदारांनी मतदानाचा हक्के बजावला आहे. (Latest Political News)

चौथ्या टप्प्यात आठ राज्यांतील 49 मतदारसंघात मतदान होणार आहे. तसेच ओडिशातील 35 विधानसभा मतदारसंघासाठीही (Assembly Election) मतदान आहे. लोकसभेच्या 8.95 कोटी मतदारांमध्ये 4.69 कोटी मतदान पुरूष तर 4.26 कोटी महिला आहे. 5 हजार 409 तृतियपंथी मतदारही हक्क बजावणार आहे. त्याचप्रमाणे वयवर्षे 85 हून अधिक मतदारांची संख्या 7.51 लाख एवढी आहे. शंभरहून अधिक वय असलेले मतदार जवळपास 25 हजार आहेत. (Latest Marathi News)

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

निवडणूक आयोगाने मतदानासाठी (Voting) 153 निरीक्षकांची नियुक्ती केली आहे. त्याचप्रमाणे दोन हजार फ्लाईंग स्कॉड, 2105 सर्व्हिलन्स टीम, 881 व्हिडिओ सर्व्हिलन्स टीम, 502 व्हिडिओ विव्हिंग टीम तैनात करण्यात आल्या आहेत. तसेच २१६ आंतरराष्ट्रीय सीमा तपासणी नाके, 565 आंतरराज्य चेकपोस्टही असतील.

आठ राज्यांतील 94 हजार मतदान केंद्रांमध्ये 9 लाख 47 हजार कर्मचाऱ्यांची नियुक्ती करण्यात आली आहे. केंद्रांवर मतदारांच्या सोयीसाठी पाण्याची व्यवस्था, शेड, स्वच्छतागृह, रॅम्प, स्वयंसेवक, व्हीलचेअर आणि वीजपुरवठा आदी सुविधा उपलब्ध करून दिल्याची माहिती निवडणूक आयोगाने दिली आहे.