Ashatai Buchke : जिल्हा परिषदेच्या माजी सदस्या आशाताई बुचके यांचे निधन, जुन्नरच्या राजकारणाला मोठा धक्का

Pune News : जुन्नरच्या राजकीय आणि सामाजिक क्षेत्रातील आक्रमक महिला नेतृत्व म्हणून ओळखल्या जाणाऱ्या आशाताई बुचके यांचे निधन झाले. त्यांनी अनेक वर्षे जिल्हा परिषद सदस्य म्हणून काम करताना जुन्नर तालुक्यात आपला स्वतंत्र राजकीय ठसा उमटवला होता. ग्रामीण भागातील प्रश्न, विकासकामे आणि स्थानिक नागरिकांच्या प्रश्नांवर त्या आक्रमकपणे भूमिका मांडत असत. त्यांच्या लढाऊ आणि स्पष्टवक्त्या स्वभावामुळे त्या जुन्नरच्या राजकारणात विशेष चर्चेत राहिल्या.

शिवसेनेतून राजकीय कारकीर्द सुरू केल्यानंतर त्यांनी जुन्नरच्या राजकारणात महिला नेतृत्व म्हणून आपली वेगळी ओळख निर्माण केली. त्यानंतर त्यांनी भारतीय जनता पक्षात प्रवेश केला. देवेंद्र फडणवीस यांच्या उपस्थितीत त्यांचा भाजपमध्ये प्रवेश झाला होता.

2014 मध्ये त्यांनी जुन्नर विधानसभा मतदारसंघातून शिवसेनेच्या उमेदवार म्हणून निवडणूक लढवली होती. त्यानंतरही त्यांनी तालुक्यातील राजकारणात सक्रिय भूमिका कायम ठेवली. जिल्हा परिषद सदस्य म्हणून त्यांनी विविध प्रश्नांवर आवाज उठवला.

2026 च्या जिल्हा परिषद निवडणुकीत त्यांनी पुन्हा निवडणूक लढवली होती. तिरंगी लढतीत त्यांना पराभवाचा सामना करावा लागला होता. आशाताई बुचके यांच्या निधनाने जुन्नरच्या राजकारणातील एक आक्रमक आणि लढाऊ महिला नेतृत्व काळाच्या पडद्याआड गेले आहे. त्यांच्या निधनाने राजकीय, सामाजिक आणि विविध क्षेत्रातील कार्यकर्त्यांनी हळहळ व्यक्त केली आहे.

जुन्नर तालुक्यात असं नेतृत्व होणार नाही

माजी खासदार आढळराव पाटील यांनी आशाताई बुचकेंना श्रद्धांजली अर्पण करत म्हटले की, राजकारणातील माझ्या सुवर्णकाळात ताईंची मोलाची साथ मला लाभली. आम्ही बऱ्याचवेळा भांडलो, रुसलो परंतु ते फक्त तेवढ्यापुरतचं असायचं. जुन्नर तालुक्यात असं नेतृत्व होणे नाही.ताई