Kasba by-election : कसबा पोटनिवडणुकी संदर्भात बावनकुळेंचे मोठे वक्तव्य; तर...रासनेंची उमेदवारी मागे घेऊ

Kasba by-election News : कसबा पोटनिवडणुकीसाठी भाजपने हेमंत रासने यांना उमेदवारी दिली आहे. मात्र, निवडणूक बिनविरोध करण्याचे भाजपचे (BJP) अजूनही प्रयत्न सुरु आहेत. पोटनिवडणूक बिनविरोध करण्यासाठी भाजपचे प्रदेशाध्यक्ष चंद्रशेखर बावनकुळे यांनी मोठे वक्तव्य केले आहे.

बावनकुळे यांनी शैलेश टिळक यांची भेट घेतली. या भेटीनंतर बावनकुळे माध्यमांशी बोलताना म्हणाले, उद्या ३ वाजेपर्यंत महाविकास आघाडीने जर ही निवडणूक बिनविरोध केली, तर आम्ही उद्या हेमंत रासने यांची उमेदवारी मागे घेऊ. नाना पटोले यांना विनंती आहे की उद्या निवडणूक लादू नये, विधानसभा निवडणुकीसाठी एकच वर्ष बाकी आहे. त्यामुळे लोकांवर निवडणूक लादू नये.

मागच्या वेळेस राष्ट्रवादी काँग्रेसचे (NCP) अध्यक्ष शरद पवार म्हणाले होते, सगळे इतर नेते म्हणाले म्हणून आम्ही अंधेरीची पोटनिवणूक बिनविरोध केली. आमचे कागदपत्र तयार आहेत, फॉर्म तयार आहे. टिळक परिवाराला आम्ही उमेदवारी द्यायला तयार आहेत. मात्र, आघाडी कडून तसे येऊ द्या.

चिंचवडमध्ये आम्ही उमेदवारी अर्ज भरला आहे. पण अजूनही संवाद नाही. कोणी ही असो टिळक, घाटे, रासने किंवा बिडकर यांच्यापैकी कुणीही १०० टक्के निवडून येतील. मात्र, एका जागेवर एकालाच निवडणूक लढवता येते, असेही बावनकुळे यांनी सांगितले.

कोणाला ही डावळण्याचा प्रयत्न नाही. अनेक ठिकाणी ज्यांच्या घरी दिवंगत नेते गेले, आहेत त्यांना तिकीट दिले नाही. १००० टक्के कोणाची ही नाराजी नाही. काही लोकं जाणीवपूर्वक बॅनरबाजी करत आहेत. टिळक कुटुंबीय कधीच नाराज होऊ शकत नाहीत. मुक्तता ताई आमच्या नेत्या होत्या. लोक कल्लोळ करत आहेत की टिळक कुटुंबीय नाराज आहेत, पण कोणीही नाराज नाही, असा दावा त्यांनी केला.

आम्ही काय पहिल्यांदा इथे आलो नाही. त्यांना शैल्य वाटणारचना त्यांच्या कुटुंबातील सदस्य या विधानसभेत होत्या. पक्षामध्ये कधी ही जाणीवपूर्वक कोणालाही डावलण्यात येत नाही. काही गोष्टींचे मेरिट असते, कसबा आणि चिंचवडची परिस्थिती वेगळी आहे. कुणाल, बिडकर, घाटे हे सगळे उमेदवार सक्षम आहेत. पण एका जागेवर एकच जण लढू शकतो, असेही बावनकुळे यांनी यावेळी सांगितले.