Pimpri Chinchwad News : महायुती सरकार सत्तेत आल्यानंतर मुख्यमंत्री देवेंद्र फडणवीसांनी एकापाठोपाठ एक असे धडाकेबाज निर्णयांचा सपाटाच लावला आहे. यातच आता त्यांनी पिंपरी चिंचवडमधील एका कार्यक्रमात ऑन दि स्पॉट एक मोठा निर्णय जाहीर केला आहे. सीएम देवेंद्र फडणवीसांनी (Devendra Fadnavis) चिखली,चऱ्होली येथील प्रस्तावित ‘टीपी स्कीम’ रद्द करण्याची घोषणा केली आहे.
भाजपा आमदार महेश लांडगे यांनी पिंपरी-चिंचवड महानगरपालिकेच्या प्रस्तावित चिखली-कुदळवाडीतील TP स्किम कार्यवाही रद्द करण्याच्या मागणीसाठी मोठा लढा उभारला होता. आता याच त्यांच्या निर्णयावर मुख्यमंत्री देवेंद्र फडणवीस यांनी बुधवारी(ता.18) शिक्कामोर्तब केले आहे.
काही दिवसांपूर्वीच आयुक्त तथा प्रशासक शेखर सिंह आणि भाजप आमदार महेश लांडगे यांच्यात प्रस्तावित टीपी स्किमबाबत महत्त्वपूर्ण बैठक पार पडली होती.त्यावेळी प्रशासनाने सकारात्मक प्रतिसाद देताना सर्वसाधारण सभेत चिखली-कुदळवाडीतील टीपी स्किम रद्द करण्याच्या मागणीला मान्यता दिली होती.
राज्याचे मुख्यमंत्री देवेंद्र फडणवीस यांच्या हस्ते बुधवारी(ता.18) पिंपरी-चिंचवड महापालिका प्रशासनाच्या पुढाकाराने शहरातील विविध विकासकामांचे भूमिपूजन आणि लोकार्पण करण्यात आले.यावेळी जाहीर कार्यक्रमात मुख्यमंत्री बोलत होते.त्यांनी यावेळी चऱ्होली येथील प्रस्तावित केलेली TP Scheme रद्द करण्याची घोषणा करतानाच त्यांनी नागरिकांना विश्वासात घेतल्याशिवाय शहराचा सुनियोजित विकास करता येणार नसल्याचं म्हटलं आहे.
याच कार्यक्रमात आमदार महेश लांडगे (Mahesh Landge) यांनी काही दिवसांपासून या प्रस्तावित TP स्किमबाबत नागरिकांमध्ये संभ्रम निर्माण केला जात आहे.आणि यामध्ये विनाकारण आम्ही लोकं भरडले जात आहोत,त्यामुळे हे कन्फ्यूजन आपण देवाभाऊ क्लिअर करावं अशी मागणी लांडगे यांनी केली होती.
यानंतर मुख्यमंत्री देवेंद्र फडणवीस आपल्या भाषणावेळी आमदार महेश लांडगे यांच्या मागणीचा संदर्भ घेत थेट आपण आयुक्तांना आत्ताच चिखली-चऱ्होली येथील टीपी स्किमला स्थगिती नाहीच तर थेट रद्दच करुन टाका असे आदेश दिले. कारण नागरिकांचा संभ्रम केल्याशिवाय विकास करताच येणार नसल्याचं त्यांनी स्पष्ट केलं.
यानंतर भोसरीचे आमदार महेश लांडगे यांनी सोशल मीडियावर एक पोस्ट करत मुख्यमंत्री देवेंद्र फडणवीस यांच्या या घोषणेचं स्वागत करणारी पोस्ट शेअर केली आहे.त्यात त्यांनी मौजे चऱ्होली येथील प्रस्तावित TP Scheme रद्द! पिंपरी-चिंचवड महानगरपालिका प्रशासनाने मौजे चऱ्होली येथे प्रस्तावित केलेली TP Scheme रद्द करण्याची घोषणा राज्याचे मुख्यमंत्री ना. मा. देवेंद्रजी फडणवीस यांनी केल्याची माहिती दिली आहे.
तसेच नागरिकांना विश्वासात घेतल्याशिवाय शहराचा विकास सुनियोजित विकास करता येणार नाही. त्यामुळे नागरिकांनी संभ्रम करण्याची आवश्यकता नाही, असा विश्वासही मुख्यमंत्री महोदय जाहीरपणे दिला. चऱ्होलीकरांसाठी ही निश्चितच अभिमानाची आणि आनंदाची बाब आहे. तसेच त्यांनी पिंपरी-चिंचवडच्या विकासाचे पर्व म्हणजे ‘देवेंद्र पर्व...’असे कौतुकोद्गारही फडणवीसांविषयी काढले आहेत.
पिंपरी-चिंचवड महानगरपालिका प्रशासनाने चिखली-कुदळवाडीतील प्रस्तावित TP स्किम कार्यवाही रद्द करण्याचा निर्णय घेतला होता. याबाबत 15 मेच्या सर्वसाधारण सभेत प्रशासनाने या निर्णयाला मंजुरी दिली होती. त्यामुळे भाजपा आमदार महेश लांडगे यांच्या मागणीला यश मिळाले असून, ग्रामस्थ आणि भूमिपुत्रांना दिलासा मिळाला होता.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.