Pune News : जैन बोर्डिंग प्रकरणात बिल्डर गोखले यांनी व्यवहार रद्द केल्याचे मेलद्वारे कळवले आहे. यामुळे जैन बांधवांना दिलासा मिळाला आहे. मात्र, वंचित बहुजन आघाडीचे अध्यक्ष प्रकाश आंबेडकर यांनी जैन बोर्डिंगला भेट दिली असून, धर्मादाय आयुक्तालय दोषी ठरले पाहिजे, अशी प्रतिक्रिया त्यांनी माध्यमांना दिली.
आंबेडकर म्हणाले, या जुन्या ट्रस्टच्या जागा असून त्या ट्रस्टच्या जागा जमीनदोस्त करण्याची परिस्थिती आहे. मात्र सध्या गरज नसताना त्या जागा विकल्या जात आहेत. धर्मादाय आयुक्ताकडे बॉम्बे ट्रस्ट ऐक्ट आहे. त्याला परवानगी नसताना विकता येत नाही. ज्यांनी ट्रस्ट निर्माण केलेला असतो तो करत असताना ट्रस्ट डिड असतो. त्यात बदल करायचा असेल तर तो कोर्टाला आहे. तो अधिकार महाराष्ट्र शासनाला नाही.
आंबेडकर म्हणाले, याचा ट्रस्ट डिड मी वाचला आहे. त्या कॉलम मध्ये विकसित करता येते. मात्र विकण्याची परवानगी नाही. धर्मादाय आयुक्तालयला पण विकण्याची परवानगी देता येत नाही. जेव्हा संपत्ती आपण ट्रस्ट करतो तेव्हा त्यावर मालकी करता येत नाही. शासनाची मालकी असल्यामुळे शासनाला पण अधिकार नाही.
तो अधिकार हाय कोर्टाला देण्यात आला आहे. ट्रस्टी आहेत त्यांनी याचा विचार करावा. त्यांनी एक कलम दाखवून दिल तरी ट्रस्टीला हे विकता येणार नाही. उद्या हे प्रकरण हाय कोर्टात गेलं तर धर्मादाय आयुक्तावर ताशेरे ओढतील. उद्या सुनावणी एक तर स्थगित ठेवतील. धर्मादाय आयुक्तालय यामध्ये दोषी ठरल पाहिजे. ट्रस्ट म्हणजे मालक नाही.
विशाल गोखले यांनी व्यवहार रद्द केला आहे. त्याबाबत बोलताना आंबेडकर म्हणाले, त्यांना कळल असेल की कोर्ट हे रद्द करेल. आपली बदनामी होऊ नये. हे त्यांनी ओळखलं असेल आणि बाहेर पाडाव म्हणून त्यांनी केल असेल. हे सगळे ट्रस्टी कॉलिफाईड आहे. आता नवीन ट्रस्ट केली पाहिजेल. आता या जागेचे मालक हे सरकारच्या वतीने धर्मादाय असून त्यामुळे या प्रॉपर्टीच जे काही बरे वाईट होईल ते धर्मादायच्या अधिकारातून होईल. अस आंबेडकर म्हणाले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.