NCP Lavani Controversy : 'राष्ट्रवादीच्या कार्यलयात गौतमी पाटीलचा सुपारी देऊन कार्यक्रम नव्हता'; डॅमेज कंट्रोलसाठी रुपाली ठोंबरे सरसावल्या

Pune News : उपमुख्यमंत्री अजित पवार यांच्या राष्ट्रवादीच्या नागपूर येथील कार्यालयामध्ये सादर करण्यात आलेल्या लावणीचा व्हिडिओ सध्या सोशल मिडियावर प्रचंड व्हायरल होत आहे. या व्हिडिओच्या अनुषंगाने राष्ट्रवादी काँग्रेसवर विरोधी पक्षाकडून जोरदार टीका करण्यात येत आहे. या पार्श्वभूमीवर आता राष्ट्रवादी काँग्रेसच्या प्रवक्त्या रूपाली पाटील ठोंबरे यांनी प्रतिक्रिया दिली आहे.

रूपाली पाटील ठोंबरे म्हणाल्या, कालपासून राष्ट्रवादीच्या नागपूर येथील कार्यालयात मनोरंजनाचा कार्यक्रमाच्या लवणीचा व्हिडीओ जोरदार व्हायरल होत आहे. हा व्हिडिओ समोर आल्यानंतर आमचे भाऊ जितेंद्र आव्हाड यांनी या कार्यक्रमाचा संबंध थेट चौफुल्याला लावला. आव्हाड भाऊंना चौफुला फार आवडत असावा किंवा कावीळ झाल्यावर जसा पिवळा दिसतात तसं त्यांना दिसलं असावं म्हणूनच ते एवढ्या तत्परतेने व्यक्त झाले. अशी टीका रूपाली पाटील यांनी केली.

दिवाळीमध्ये परिवार मिलन हा राष्ट्रवादी काँग्रेसचा कौटुंबिक कार्यक्रम त्याठिकाणी होता. ते नृत्य सादर करणारी बहिणी आमच्या सांस्कृतिक विभागाची पदाधिकारी आहे. लावणी सादर करणाऱ्या गौतमी पाटील यांच्या प्रमाणे हा कार्यक्रम आम्ही सुपारी घेऊन नव्हता. पण ज्यांच्यापासून आम्ही वेगळे झालेलो आहोत त्यांना अचानकपणे आमचा इतका कळवळा आला असल्याचा खोचक टोला रूपाली पाटील यांनी लगावला.

रूपाली पाटील पुढे म्हणाल्या, मला खासदार सुप्रिया सुळे यांना सांगायचं आहे. कारण त्यांना इतक्या वेदना आणि त्रास झालाय. त्या कार्यक्रमाची जागा चुकली असेल परंतु त्यांचा हेतू काही वाईट नव्हता हा कार्यक्रम गौतमी पाटील सारखा सुपारी घेऊन किंवा खुलेआम नव्हता.

सुप्रिया ताईंना पक्ष वेगळा झाला त्यावेळी वेदना झाल्या नाहीत का? पक्ष वेगळा होऊ नये यासाठी त्यांनी का प्रयत्न केले नाहीत? त्यामुळे हे फक्त अजितदादा यांच्या पक्षाला बदनाम करण्याचा प्रयत्न सुप्रिया ताई करत असतील. शरद पवार गट असल्या टिका करत असून आमच्या पक्षाची काळजी सुप्रिया सुळे, जितेंद्र आव्हाड यांनी करूच नये त्यासाठी आम्ही खंबीर आहोत असं रूपाली पाटील म्हणल्या.