Kundmala Bridge Collapse Video : कुंडमळ्यातील पूल दुर्घटनेचा हृदय पिळवटून टाकणारा व्हिडिओ समोर

Kundmala Bridge Collapse News : मावळ तालुक्यातील तळेगावजवळील इंदोरी येथे इंद्रायणी नदीवरील एक पूल कोसळून मोठा अपघात झाला. यात दोन पर्यटकांचा मृत्यू झाला आहे.तर, 20 ते 5 जण वाहून गेल्याची भीती व्यक्त केली जात आहे. या दरम्यान, पूल कोसळल्यानंतर पर्यटक वाहून जात असल्याचा हृदय पिळवटून टाकणारा व्हिडिओ समोर आला आहे. वाहून जाणारे पर्यटक जिवाच्या आकांताने मदतीसाठी ओरडत असल्याचे या व्हिडिओमध्ये दिसत आहे.

मुख्यमंत्री देवेंद्र फडणवीस यांनी दिलेल्या माहितीप्रमाणे घटनास्थळी एनडीआरएफला पाचरण करण्यात असून मदत कार्य सुरू आहे. 6 जणांना आतापर्यंत वाचविण्यात यश आले आहे. 32 लोक जखमी झाले, त्यापैकी 6 गंभीर आहेत. त्यांना उपचारांसाठी रुग्णालयात दाखल करण्यात आले आहे. तर दोन जणांचा मृत्यू झाला आहे.

आमदार, खासदार घटनास्थळी

दुपारी साडेतीनच्या सुमारास कुंडमळा येथील इंद्रायणी नदीवरील पूल कोसळला. या पूलावर मोठ्या प्रमाणात लोक उभे होते. तब्बल 40 लोक वाहून गेल्याची भीती व्यक्त करण्यात येत आहे. दरम्यान, घटनास्थळी आमदार सुनील शेळके, खासदार सुप्रिया सुळे या हजर आहेत.

कारवाईचा इशारा

उपमुख्यमंत्री अजित पवार यांनी सांगितले की, कुंडमळा येथे स्थानिक प्रशासनाने तातडीने मदत आणि बचावकार्य सुरू केले आहे. जखमी नागरिकांना आवश्यक सर्व वैद्यकीय उपचार उपलब्ध करण्याचे निर्देशित देण्यात आले आहेत. या पुलाची अवस्था जीर्ण असल्याची प्राथमिक माहिती प्राप्त झाली आहे. त्यामुळे या दुर्घटनेची सखोल चौकशी करण्याचे निर्देश प्रशासनाला देण्यात आले असून, देखभालीबाबत कोणतेही दुर्लक्ष झाल्याचे आढळल्यास संबंधितांवर कठोर कारवाई करण्यात येईल.