Mahesh Landge Vs Ajit Pawar : 'नैराश्य..अस्वस्थ, आत्मपरीक्षण करा, तुमचा मुलगा...', महेश लांडगे अजित पवारांना नको नको ते बोलले

Mahesh Landge News : उपमुख्यमंत्री अजित पवार यांनी पिंपरी-चिंचवडमध्ये सभा घेत आमदार महेश लांडगेंवर नाव न घेता निशाणा साधला होता. भ्रष्टाचाऱ्याच्या आकाला संपवायचे आहे, असे म्हणत रिंग करून महापालिकेत भ्रष्टाचार केला जात असल्याचे ते म्हणाले होते. अजित पवारांच्या या आरोपानंतर महेश लांडगे यांनी देखील जोरदार प्रत्युत्तर दिले आहे.

महेश लाडंगे म्हणाले, 'ज्या महापालिकेत कधी काळी आपण कारभारी होते. त्या महापालिकेत 128 जागांवर उमेदवार देऊ शकलो नाही याचे नैराश्य अजित पवारांना आहे. ज्या पक्षाकडे कधीकाळी उमेदवारी घेण्यासाठी फार इच्छुक असायचे त्या पक्षाला सर्व जागांवर उमेदवार उभे करता आले नाहीत.'

'अजित पवारांची आरोप करण्याची जी सवय आहे आत्ताची नाही. मी राजकारण आलोय तेव्हापासून बघतोय निवडणूक आली की आरोप करायचे, याशिवाय त्यांना काही जमलं नाही.

विकासावर बोला, येवढे दिवस पालकमंत्री म्हणून तुम्ही काम केलं तरी देखील तुम्ही आरोपच करणार का? ते पण खोटे आरोप.', असा प्रश्न देखील त्यांनी विचारला.

आत्मपरीक्षण करा...

लांडगे यांनी त्यांच्यावर करण्यात येणार आरोपाबाबत बोलताना, आधी आपल्या लेकाचं बघा काय झालं ते, भाजपसोबत आल्याने तुम्हाला तुमचे गुन्हे लपवता येणार नाही. तुम्ही आत्मचिंतन करा, आत्मपरीक्षण करा, असा सल्ला देखील अजित पवारांना दिला. तसेच ते अस्वस्थ झाले आहेत. कारण त्यांना 128 उमेदवार उभे करता आले नाहीत, असा टोलाही लगावला.