Pune ZP Result : जिल्हा परिषद निवडणुकीत राष्ट्रवादी काँग्रेसचा बालेकिल्ला समजल्या जाणाऱ्या मुळशी तालुक्यातील भुगाव-पिरंगुट जिल्हा परिषद गटात ठाकरेंची मशाल पेटली आहे. शिवसेना उद्धव बाळासाहेब ठाकरे पक्षाचे उमेदवार पांडुरंग (आबा) शेळके यांनी 1910 मतांनी विजयी मिळवला आहे.
राष्ट्रवादी काँग्रेसमधील मतविभागणी ही शेळकेंसाठी फायदेशीर ठरली. माजी जिल्हा परिषद सदस्य शांताराम इंगवले हे अजित पवारांच्या राष्ट्रवादी काँग्रेसचे उमेदवार होते. त्यांना 3162 मतं मिळाली तर, राष्ट्रवादी काँग्रेस शरदचंद्र पवार पक्षाचे महादेव कोंढरे यांना 3337 मतं मिळाली. तर, पांडुरंग (आबा) शेळके यांना 5247 मतं मिळाली.
दोन्ही राष्ट्रवादीतील मतांमधील फूट ही शेळके यांच्यासाठी फायदेशीर ठरली आहे. शिवसेनेला माननारा मतदार पुन्हा एकदा शिवसैनिकाच्या मागे ठामपणे उभा राहताना दिसला.
पौड-अंबटवेट गणात राष्ट्रवादी काँग्रेसच्या काजल मोरे या 2145 मतांनी विजयी झाल्या आहेत. त्यांनी शरद पवारांच्या राष्ट्रवादीची माजी सभापती कोमल वाशिवले यांचा पराभव केला. काजल मोरे यांना 6143 तर, कोमल वाशिवले यांना 3998, पल्लवी कंधारे यांना 3213 मतं मिळाली.
जिल्हा परिषद गटात सुरुवातीच्या आकडेवारीनुसार राष्ट्रवादीचे काँग्रेसचे मिलिंद वाळुंज हे आघाडीवर होते. मात्र, अजून अंतिम निकाल आलेला नाही.
माण गणात राष्ट्रवादी काँग्रेसच्या मंदा शेळके यांनी विजय मिळवला आहे. त्यांना 5997 मंतं मिळाली तर, भाजपच्या युगंधरा पारखी यांना युगंधरा पारखी 33O5 मतं मिळाली. ठाकरे गटाच्या कल्पना भेगडे यांना 3521 मतं मिळाली. तर, अपक्ष रुपाली बोडके यांनी चांगली लढत दिली त्यांना 3670 मतं मिळाली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.